മുംബൈ: മാരുതി സുസുക്കിയുടെ ആദ്യത്തെ പ്രീമിയം ക്രോസ്ഓവറായ എസ് ക്രോസ് കമ്പനി നിർത്തലാക്കാൻ ഒരുങ്ങുന്നതായി അടുത്തകാലത്ത് റിപ്പോർട്ടുകൾ ഉണ്ടായിരുന്നു. ഇപ്പോഴിതാ ഈ റിപ്പോർട്ടുകളെ ശരിവച്ചുകൊണ്ട് മാരുതി സുസുക്കി നിശബ്‍ദമായി എസ്-ക്രോസ് ക്രോസ്ഓവർ നിർത്തിയതായി റിപ്പോർട്ട്. കമ്പനിയുടെ ഔദ്യോഗിക നെക്‌സ വെബ്‌സൈറ്റിൽ നിന്ന് എസ്-ക്രോസിനെ നിശബ്‍ദമായി നീക്കം ചെയ്‍തതായാണ് റിപ്പോർട്ടുകൾ.
ഇതോടെ, മാരുതിയുടെ പ്രീമിയം വാഹന വിഭാഗമായ നെക്‌സയുടെ ശ്രേണിയിലുള്ള കാറുകളെ എണ്ണം അഞ്ച് മോഡലുകൾ ആയി. ഇഗ്‌നിസ് , ബലേനോ, സിയാസ് , XL6 , അടുത്തിടെ അവതരിപ്പിച്ച ഗ്രാൻഡ് വിറ്റാര എന്നിവയാണവ. എസ്-ക്രോസിന് പകരമായാണ് മാരുതി സുസുക്കി ഗ്രാൻഡ് വിറ്റാര എത്തുന്നത്.
മാരുതി സുസുക്കിയുടെ ആദ്യത്തെ പ്രീമിയം ക്രോസ്ഓവറായി 2015-ൽ ആണ് എസ് ക്രോസ് ആദ്യമായി പുറത്തിറക്കിയത്. എസ് ക്രോസിൽ മാരുതി നിരവധി ഫീച്ചറുകളും മറ്റും വാഗ്‍ദാനം ചെയ്തെങ്കിലും, വിൽപ്പനയിൽ പരാജയപ്പെട്ടു. തുടക്കത്തിൽ, ഇത് 1.6 ലിറ്റർ ഡീസൽ എഞ്ചിൻ അല്ലെങ്കിൽ DDIS 320 ഉപയോഗിച്ചാണ് പുറത്തിറക്കിയത്. ഇത് പിന്നീട് 2017-ന് ശേഷം നിർത്തലാക്കി. DDIS 200 ആയി. ഫിയറ്റ് ക്രിസ്ലർ-ഉറവിടമുള്ള ഈ എഞ്ചിൻ രാജ്യത്തുടനീളമുള്ള നിരവധി കാറുകളിൽ വളരെ സാധാരണമായതിനാൽ ഈ എഞ്ചിന് ‘ഇന്ത്യയുടെ ദേശീയ എഞ്ചിൻ’ എന്ന വിളിപ്പേര് ലഭിച്ചു. അടുത്തിടെ വരെ, മാരുതി സുസുക്കി എസ്-ക്രോസ് 1.5 ലിറ്റർ മൈൽഡ്-ഹൈബ്രിഡ് പവർട്രെയിൻ ഉപയോഗിച്ചാണ് വിറ്റിരുന്നത്.
ഒരു പ്രീമിയം മോഡലായും SX4 സെഡാന്റെ ക്രോസ്ഓവർ വേരിയന്റായും പ്രൊജക്റ്റ് ചെയ്യപ്പെട്ടിട്ടും, എസ് ക്രോസിനെ ലോഞ്ച് കഴിഞ്ഞ് ഏതാനും വർഷങ്ങൾക്കുള്ളിൽ ഉപഭോക്താക്കൾക്ക് ഇഷ്ടമല്ലാതായി എന്നതാണ് സത്യം. അന്നുമുതൽ അതിന്റെ വിൽപ്പന കുറഞ്ഞുവരികയാണ്. എസ് ക്രോസിന് ജീവിതത്തിലുടനീളം നിരവധി അപ്‌ഡേറ്റുകൾ ലഭിച്ചെങ്കിലും, ഹ്യുണ്ടായf ക്രെറ്റ, കിയ സെൽറ്റോസ് തുടങ്ങിയ ജനപ്രിയ മോഡലുകൾ ഈ വിഭാഗത്തിൽ ആധിപത്യം സ്ഥാപിച്ചു. അതിനാൽ, വാഹനം നിർത്തലാക്കുകയായിരുന്നു. ഈ വർഷം ജൂലൈയിലും ഓഗസ്റ്റിലും മാരുതി സുസുക്കി എസ്-ക്രോസിന്റെ ഒരു യൂണിറ്റ് പോലും നിർമ്മിച്ചിരുന്നില്ല എന്നാണ് റിപ്പോർട്ടുകൾ. ഈ മെയ് മാസത്തിൽ എസ് ക്രോസിന് വമ്പൻ വിലക്കിഴിവും കമ്പനി പ്രഖ്യാപിച്ചിരുന്നു.
എസ് -ക്രോസിനെ 47,000 രൂപ വിലക്കിഴിവിലാണ് കമ്പനി അന്ന് വിറ്റത്. ഉൽപ്പാദനം അവസാനിപ്പിക്കുന്നതിന് മുമ്പ് വാഹനത്തിൻറെ അവശേഷിച്ചിരുന്ന യൂണിറ്റുകൾ വിറ്റു തീർക്കാനുള്ള തന്ത്രമായിരുന്നിരിക്കാം ഒരുപക്ഷേ അത്.
