ന്യൂഡെല്‍ഹി.നീറ്റ് പരീക്ഷ ക്രമക്കേട് വിവാദത്തിൽ സുപ്രിം കോടതിയുടെ നിർണായക ഇടപെടൽ.പരീക്ഷയുടെ പരിപാവനതയും വിശ്വാസ്യതയും ചോദ്യം ചെയ്യപ്പെട്ടെന്ന് കോടതി നിരീക്ഷിച്ചു.നാഷണൽ ടെസ്റ്റിങ് ഏജൻസിക്ക് രണ്ടംഗ അവധിക്കാല ബെഞ്ച് നോട്ടീസ് അയച്ചു.MBBS കോഴ്സിലേക്കുള്ള കൗൺസലിംഗ് നടപടികൾ സ്റ്റേ ഇല്ല.
നീറ്റ് പരീക്ഷ ക്രമക്കേടിന്‍റെ പശ്ചാത്തലത്തിൽ പരീക്ഷ റദ്ദാക്കണമെന്നും വീണ്ടും പരീക്ഷ നടത്തണമെന്നും ആവശ്യപ്പെട്ടു വിദ്യാർഥിനിയായ ശിവാംഗി മിശ്ര സമർപ്പിച്ച ഹരജിയിൽ ആണ് സുപ്രിം കോടതിയുടെ നിർണ്ണായക ഇടപെടൽ. നാഷണൽ ടെസ്റ്റിങ് ഏജൻസിക്ക് സുപ്രിംകോടതി നോട്ടീസ് അയച്ചു.
പരീക്ഷയുടെ പരിപാവനതയും വിശ്വാസ്യതയും ചോദ്യം ചെയ്യപ്പെട്ടെന്ന് സുപ്രിംകോടതി നിരീക്ഷിച്ചു.വിഷയത്തിൽ എൻ.ടി.എയുടെ കൃത്യമായി മറുപടി അനിവാര്യമാണെന്നു ജസ്റ്റിസുമാരായ അഹ്സാനുദ്ദീൻ അസ്മാനുള്ള, വിക്രം നാഥ് എന്നിവരടങ്ങിയ അവധിക്കാല ബെഞ്ച് നിരീക്ഷിച്ചു.MBBS അടക്കമുള്ള കോഴ്സു കളിലേക്കുള്ള പ്രവേശനത്തിന്റെ കൗൺസിലിങ് നടപടികൾ തടയാൻ സാധിക്കില്ലെന്നും കോടതി വ്യക്തമാക്കി.ജൂലൈ എട്ടിന് കേസ് വീണ്ടും സുപ്രീംകോടതി പരിഗണിക്കും.
