രാത്രിയിൽ സ്മാർട്ട് ഫോണും ടാബ്ലറ്റും ഉപേക്ഷിക്കുക നിങ്ങളുടെ ഉറക്കം സംരക്ഷിക്കുക, ആരോഗ്യം നന്നാക്കുക.
ഇന്ന് സ്മാർട്ട്ഫോണുകൾ, ലാപ്‌ടോപ്പുകൾ, ടാബ്ലറ്റുകൾ എന്നിവ നമ്മുടെ ദിനചര്യയുടെ അവിഭാജ്യ ഭാഗമാണെങ്കിലും, പ്രത്യേകിച്ച് രാത്രിയിൽ അവയുടെ അമിത ഉപയോഗം ആരോഗ്യത്തിന് ദോഷകരമാണെന്ന് പഠനങ്ങൾ തെളിയിക്കുന്നു.
നീല വെളിച്ചത്തിന്റെ ദോഷം
ഈ ഉപകരണങ്ങളുടെ സ്‌ക്രീനുകളിൽ നിന്ന് വരുന്ന നീല വെളിച്ചം ഉറക്കത്തെ നിയന്ത്രിക്കുന്ന ഹോർമോണായ മെലാടോണിന്റെ ഉൽപാദനം കുറയ്ക്കുന്നു. രാത്രി സമയത്ത് മെലാടോണിൻ ശരീരത്തിന് ഉറക്കത്തിലേക്ക് വഴിവെക്കുന്നു. പക്ഷേ, സ്‌ക്രീൻ നോക്കുന്നതിലൂടെ മസ്തിഷ്‌കം തെറ്റായ സന്ദേശം സ്വീകരിച്ച് ഈ ഹോർമോണിന്റെ ഉൽപാദനം തടസ്സപ്പെടുന്നു.
ഉറക്കക്കുറവും ആരോഗ്യപ്രശ്‌നങ്ങളും
നീല വെളിച്ചത്തിന്റെ സ്വാധീനം ഉറക്കത്തെ മാത്രം ബാധിക്കാതെ, ഹൃദയാഘാതം പോലുള്ള ഗുരുതര ആരോഗ്യ പ്രശ്‌നങ്ങൾക്കും കാരണമാകാം. രാത്രി മൊബൈൽ സന്ദേശ ശബ്ദം പോലും ശരിയായ ഉറക്കത്തെ ബാധിക്കുമെന്ന് പഠനങ്ങൾ വ്യക്തമാക്കുന്നു.
പരിഹാര മാർഗങ്ങൾ
- ഫോൺ അകലെ വെക്കുക: കിടക്കുമ്പോൾ സ്മാർട്ട്ഫോൺ ഉൾപ്പെടെയുള്ള ഉപകരണങ്ങൾ നിന്ന് അകലത്തിൽ വയ്ക്കുക.
- നൈറ്റ് മോഡ് ഉപയോഗിക്കുക: ബ്ലൂലൈറ്റ് കുറയ്ക്കാൻ സ്മാർട്ട്ഫോണുകളിലെ നൈറ്റ് ലൈറ്റ് മോഡ് ഫലപ്രദമാണ്.
- കിടക്കുന്നതിന് മുമ്പ് ഉപകരണങ്ങൾ ഒഴിവാക്കുക: ഉറക്കത്തിനു 30 മിനിറ്റിന് മുമ്പ് ഉപകരണങ്ങൾ ഉപയോഗിക്കുന്നത് അവസാനിപ്പിക്കുക.
- സുരക്ഷിത കണ്ണടകൾ: ബ്ലൂലൈറ്റ് ബ്ലോക്കിംഗ് ഗ്ലാസുകൾ ഉപയോഗിച്ച് കണ്ണുകളെ സംരക്ഷിക്കാം.
