മലയാളി ഹൃദയത്തിലേറ്റുവാങ്ങിയ ഏറ്റവും വിലയേറിയ നാടോടിയാരെന്നു ചോദിച്ചാല്‍ ഒറ്റ ഉത്തരമേയുള്ളൂ. സിനിമയില്‍ നായകനായി അരങ്ങേറ്റം കുറിക്കുന്നതിന് മുന്‍പ് തന്നെ സൂഫിയായും അവധൂതനായും ഊരു ചുറ്റുന്ന പ്രണവ് മോഹന്‍ലാല്‍ പ്രേക്ഷകരുടെ ഇടയില്‍ ചര്‍ച്ചാ വിഷയമാണ്. യാത്രകളെ ഏറെ ഇഷ്ടപ്പെടുന്ന പ്രണവ് യാത്രകളിലൂടെയാണ് മലയാളി പ്രേക്ഷകരുടെ ഹൃദയം കവര്‍ന്നത്. മോഹന്‍ലാലിന്റെ പുത്രനെന്ന നിലയില്‍ പ്രണവിന്റെ ചലനങ്ങള്‍ കണ്ണില്‍പെട്ടാല്‍ അത് മലയാളിക്ക് വാര്‍ത്തയാണ്. കാടുംമലയും താണ്ടുന്നതും പാറക്കെട്ടില്‍ തൂങ്ങിക്കയറുന്നതും ഒക്കെ വാര്‍ത്തയായി മലയാളി ആഘോഷിച്ചതാണ്.
ഇപ്പോഴിതാ സോഷ്യല്‍ മീഡിയയില്‍ ഇടംപിടിക്കുന്നത് പ്രണവ് മോഹന്‍ലാലിന്റെ ഒരു യാത്രാ ചിത്രമാണ്. ഇന്‍സ്റ്റഗ്രാം പേജില്‍ പങ്കുവെച്ചിരിക്കുന്ന ചിത്രം ഇതിനോടകം വൈറലായിട്ടുണ്ട്
പ്രണവ് തന്നെയാണ് ചിത്രം ഇന്‍സ്റ്റഗ്രാമില്‍ പോസ്റ്റ് ചെയ്തിരിക്കുന്നത്. സ്‌പെയിനില്‍ നിന്നുള്ള ചിത്രമാണിതെന്നാണ് സൂചന. ദിവസങ്ങള്‍ക്ക് മുന്‍പ് സ്‌പെയിനില്‍ നിന്നുള്ള മറ്റൊരു ചിത്രം താരം പങ്കുവെച്ചിരുന്നു.
പഴക്കം ചെന്ന ഒരു വലിയ കെട്ടിടത്തിന് മുന്നിലുള്ള ബെഞ്ചില്‍ കിടന്ന് ഉറങ്ങുന്നചിത്രമാണിത്. ട്രാവല്‍ ബാഗില്‍ തലവെച്ചാണ് സുഖനിദ്ര. തൊപ്പി കൊണ്ട് മുഖം മറച്ചിട്ടുണ്ട്. ഇന്‍സ്റ്റഗ്രാമില്‍ പങ്കുവെച്ച ചിത്രത്തിന് മികച്ച കമന്റുകളാണ് ലഭിച്ചിരിക്കുന്നത്. വളരെ ലളിതമായ മനുഷ്യന്‍, നന്‍പകല്‍ നേരത്തെ മയക്കം, തുടങ്ങി കമന്റുകളാണ് ലഭിക്കുന്നത്.
