ബേസില്‍ ജോസഫിന്റെ സംവിധാനത്തില്‍ പുറത്തിറങ്ങി ഇന്ത്യയൊട്ടാകെ ശ്രദ്ധപിടിച്ചു പറ്റിയ സിനിമയായ മിന്നല്‍ മുരളിക്ക് മനോഹരമായ ഒരു രണ്ടാം ഭാഗമിറങ്ങുമോ,.
മലയാളത്തിലെ ആദ്യ സൂപ്പര്‍ ഹീറോ ചിത്രം എന്ന പേരു നേടിയ ചിത്രമാണ് മിന്നല്‍ മരളി. ഹോളിവുഡ് ചിത്രങ്ങളിലെ സംവിധാനങ്ങളോട് പടവെട്ടി യഥാതഥബോധത്തോടെ ഒരുക്കിയ ചിത്രമായതിനാലാണ് മിന്നല്‍ മുരളി ജനത്തിന് രുചിച്ചത്. ആദ്യ ചിത്രത്തില്‍ ടൊവിനോ തോമസ് ആണ് കേന്ദ്ര കഥാപാത്രമായി നിറഞ്ഞുനിന്നത്. ഇപ്പോള്‍ സിനിമയുടെ രണ്ടാം ഭാഗത്തെ കുറിച്ച് കൂടുതല്‍ കാര്യങ്ങള്‍ വ്യക്തമാക്കിയിരിക്കുകയാണ് സംവിധായകന്‍.
മിന്നല്‍ മുരളിയെക്കാള്‍ വലിയ പ്രതീക്ഷയാണ് ജനത്തിന് അതിനാല്‍ തന്നെ വലിയ മുതല്‍മുടക്കില്‍ രണ്ടാം ഭാഗം നിര്‍മിക്കുമെന്നാണ് ബേസില്‍ പറഞ്ഞത്. ‘പൂക്കാലം’ എന്ന പുതിയ ചിത്രത്തിന്റെ പ്രമോഷനുമായി ബന്ധപ്പെട്ട വാര്‍ത്ത സമ്മേളനത്തിലാണ് ബേസിലിന്റെ മറുപടി.
‘തീര്‍ച്ചയായും ഇത് മിന്നല്‍ മുരളിയെക്കാള്‍ വലിയ മുതല്‍മുടക്കിലും നിര്‍മാണ മൂല്യത്തിലും ഒരുക്കും. രണ്ടാം ഭാഗത്തിന് നെറ്റ്ഫ്‌ലിക്‌സിന്റെ പങ്കാളിത്തം ഉണ്ടോ എന്ന് ഇപ്പോള്‍ പറയാന്‍ കഴിയില്ല’ – ബേസില്‍ പറഞ്ഞു.
രണ്ടാം ഭാഗത്തിലെ വില്ലന്‍ ആരായിരിക്കും എന്ന ചോദ്യത്തിന്, ‘സ്‌ക്രിപ്റ്റ് എഴുതി വരുമ്‌ബോഴേ എത്തരത്തിലുള്ള വില്ലനാകും എന്ന് അറിയാന്‍ പറ്റുള്ളു. എന്തായാലും സമയം എടുക്കും. ജനങ്ങള്‍ രണ്ടാം ഭഗത്തിന് വലിയ എക്‌സ്‌പെറ്റേഷന്‍സ് ആണ് നല്‍കുന്നത്. അത് തന്നെയാണ് എന്റെ പേടിയും. സ്‌ക്രിപ്റ്റ് നന്നായി എഴുതണം എന്ന് തന്നെയാണ് ആഗ്രഹം’-ബേസില്‍ കൂട്ടിച്ചേര്‍ത്തു.
വില്ലനായി ഗുരു സോമസുന്ദരവും ഒന്നാംഭാഗത്തില്‍ തകര്‍ത്തഭിനയിച്ചിരുന്നു. വിവിധ സിനിമാ മേഖകളില്‍ നിന്നും പ്രശംസ പിടിച്ചു പറ്റിയ ചിത്രത്തിന് രണ്ടാം ഭാഗം ഉണ്ടാകുമെന്ന് നേരത്തെ ബേസില്‍ അറിയിച്ചിരുന്നു.
വിജയരാഘവന്‍, കെപിഎസി ലീല, ബേസില്‍ ജോസഫ്, വിനീത് ശ്രീനിവാസന്‍, സുഹാസിനി തുടങ്ങിയവരെ കൂടാതെ ജോണി ആന്റണി, അരുണ്‍ കുര്യന്‍, അനു ആന്റണി, റോഷന്‍ മാത്യു, അബു സലീം, ശരത് സഭ, അരുണ്‍ അജിത് കുമാര്‍, അരിസ്റ്റോ സുരേഷ്, അമല്‍ രാജ്, കമല്‍ രാജ്, രാധ ഗോമതി, ഗംഗ മീര, കാവ്യ ദാസ്, നവ്യ ദാസ് എന്നിവര്‍ മറ്റ് കഥാപാത്രങ്ങളെ അവതരിപ്പിക്കുന്നു.
