ലോകത്തില്‍ ഏറ്റവും സ്വാധീനമുള്ള വ്യക്തികളുടെ പട്ടികയില്‍ നിലവില്‍ ഒന്നാം സ്ഥാനത്ത് എത്തിയിരിക്കുകയാണ് ബോളിവുഡ് സൂപ്പര്‍താരം ഷാരുഖ് ഖാന്‍. ഷാരുഖ് ഖാന്റെ ഒരോ പ്രവൃത്തികളും ആരാധകര്‍ സൂക്ഷ്മതയോടെയാണ് നോക്കിക്കാണുന്നത്. ഇപ്പോള്‍ ആസിഡ് ആക്രമണത്തിന് ഇരയായവരെ ഷാരുഖ് സന്ദര്‍ശിച്ച സംഭവമാണ് വാര്‍ത്തകളില്‍ ഇടം നേടുന്നത്.
ഐപിഎല്ലിലെ തന്റെ ടീമായ കൊല്‍ക്കത്ത നൈറ്റ് റൈഡേഴ്‌സും ബാംഗളൂര്‍ റോയല്‍ ചലഞ്ചേഴ്‌സുമായുള്ള മത്സരം കാണാന്‍ കൊല്‍ക്കത്തയില്‍ എത്തിയപ്പോഴാണ് അദ്ദേഹം ആസിഡ് ആക്രമണത്തിന് ഇരയായവരെ സന്ദര്‍ശിച്ചത്. ഇവരുമായി ഒരു മണിക്കൂറോളം കൂടിക്കാഴ്ച നടത്തിയ താരം അതിജീവിതര്‍ക്കായി ജോലിയും വാഗ്ദാനം ചെയ്തു. ഷാറുഖ് ഖാന്റെ എന്‍ജിഒ സംഘടനയായ മീര്‍ ഫൗണ്ടേഷന്‍ അംഗങ്ങളാണ് ഇവര്‍. താരത്തിന്റെ അച്ഛന്റെ പേരിലുള്ള സംഘടന സ്ത്രീകളുടെ ഉന്നമനത്തിനായാണ് പ്രധാനമായും പ്രവര്‍ത്തിക്കുന്നത്. നിരവധി പേരാണ് താരത്തിന്റെ പ്രവൃത്തിയെ പ്രശംസിച്ചുകൊണ്ട് രംഗത്തെത്തിയത്.
