കഥാപാത്ര പൂര്‍ണ്ണതയ്ക്ക് വേണ്ടി ഏതറ്റവും വരെ പോകാനും യാതൊരു മടിയുമില്ലാത്ത താരമാണ് വിക്രം. കഥാപാത്രങ്ങള്‍ക്കായി അദ്ദേഹം നടത്തുന്ന പരിശ്രമങ്ങള്‍ എപ്പോഴും ചര്‍ച്ചയാകാറും ഉണ്ട്.
അന്ന്യന്‍, പിതാമഹന്‍, ഐ തുടങ്ങിയ ചിത്രങ്ങളിലെ മേക്കോവര്‍ ഇതിന് ഉദാഹരണങ്ങളാണ്. ഈ ചിത്രങ്ങളിലെ താരത്തിന്റെ മേക്കോവര്‍ കണ്ട് സിനിമ പ്രേമികള്‍ ഞെട്ടിയിട്ടുണ്ട്.
ഇപ്പോഴിത സിനിമ പ്രേമികള്‍ക്ക് ഇടയില്‍ ചര്‍ച്ചയാകുന്നത് തങ്കലാന്‍ എന്ന ചിത്രത്തിന് വേണ്ടി വിക്രം നടത്തിയ മേക്കോവറാണ്. ചിത്രത്തിന്റെ മേക്കിംഗ് വീഡിയോ അണിയറ പ്രവര്‍ത്തകര്‍ പുറത്തുവിട്ടു.
വിക്രമിന്റെ പിറന്നാളിനോട് അനുബന്ധിച്ചാണ് വീഡിയോ പുറത്തുവിട്ടത്. ഇതുവരെ കാണാത്ത വന്‍ മേക്കോവറിലാണ് വിക്രം തങ്കലാനില്‍ എത്തിയിരിക്കുന്നത്. കഥാപാത്രത്തിനായി വിക്രം നടത്തുന്ന ഡെഡിക്കേഷനുകള്‍ വീഡിയോയില്‍ കാണാം. വിക്രമിന്റെ കരിയറില്‍ ഏറ്റവും കൂടുതല്‍ പ്രതീക്ഷ അര്‍പ്പിക്കുന്ന പുതിയ ചിത്രത്തിനായി ആവേശത്തോടെ കാത്തിരിക്കുകയാണ് പ്രേക്ഷകര്‍. പാ രഞ്ജിത്ത് സംവിധാനം ചെയ്യുന്ന ചിത്രമാണ് തങ്കലാന്‍. ജി വി പ്രകാശ് കുമാറാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്.
