ജോഷി-ജോജു ജോര്‍ജ് കൂട്ടുകെട്ടില്‍ എത്തുന്ന പുതിയ ചിത്രം ആന്റണിയുടെ പോസ്റ്റര്‍ പുറത്ത്. ചിത്രത്തില്‍ പ്രധാന വേഷത്തിലെത്തുന്ന ജോജു ജോര്‍ജിനേയും കല്യാണി പ്രിയദര്‍ശനേയുമാണ് പോസ്റ്ററില്‍ കാണുന്നത്. മാസ് ഗെറ്റപ്പില്‍ മീശപിരിച്ച് ജോജു ജോര്‍ജ് പോസ്റ്ററില്‍ പ്രത്യക്ഷപ്പെടുന്നു. സോഷ്യല്‍ മീഡിയയില്‍ വൈറലാവുകയാണ് പോസ്റ്റര്‍.
ജോഷിക്ക് നന്ദി പറഞ്ഞുകൊണ്ടാണ് ജോജു പോസ്റ്റര്‍ പങ്കുവച്ചിരിക്കുന്നത്. ചിത്രത്തില്‍ മുഖ്യ വേഷത്തില്‍ എത്തുന്ന ചെമ്പന്‍ വിനോദ്, നൈല ഉഷ എന്നിവരെ ഉള്‍പ്പെടുത്തിക്കൊണ്ടുള്ള മോഷന്‍ പോസ്റ്ററും പുറത്തുവന്നു. മാസ് ആക്ഷന്‍ ത്രില്ലറായാണ് ചിത്രം എത്തുന്നത്. ചിത്രത്തിനായി വന്‍ മേക്കോവറാണ് ജോജു നടത്തിയിരിക്കുന്നത്. താരത്തിന്റെ ലുക്ക് സോഷ്യല്‍ മീഡിയയില്‍ ഹിറ്റാണ്.
പൊറിഞ്ചു മറിയം ജോസിന് ശേഷം ജോഷിയും ജോജുവും ഒന്നിക്കുന്ന ചിത്രമാണിത്. ജോജു ജോര്‍ജിന്റെ കരിയറിലെ തന്നെ ഏറ്റവും ബിഗ് ബജറ്റ് ചിത്രമാണ് ‘ആന്റണി’. ഐന്‍സ്റ്റിന്‍ മീഡിയയുടെ ബാനറില്‍ ഐന്‍സ്റ്റിന്‍ സാക് പോള്‍ ആണ് ചിത്രത്തിന്റെ നിര്‍മാണം.
