Advertisement
ബോളിവുഡ് താരം അനുപം ഖേറിന്റെ വേഷപ്പകര്‍ച്ച ആരാധകരെ ത്രില്ലടിപ്പിക്കുന്നു. അനുപം ഖര്‍ പങ്കുവച്ച പോസ്റ്റാണ് ഇതിന് ആധാരം. പുതിയ ചിത്രത്തില്‍ രവീന്ദ്ര നാഥ് ടാഗോറിന്റെ വേഷത്തില്‍ താന്‍ എത്തുമെന്നാണ് താരം വ്യക്തമാക്കിയിരിക്കുന്നത്.
ടാഗോറിന്റെ ലുക്കിലുള്ള ചിത്രത്തിനൊപ്പമാണ് അനുപം ഖേറിന്റെ പ്രഖ്യാപനം. താരത്തിന്റെ കരിയറിലെ 538-ാമത്തെ ചിത്രമാണ് ഇത്. ടാഗോറിനെ പോലെ താടിയും മുടിയും നീട്ടിവളര്‍ത്തിയ ലുക്കിലാണ് അനുപം ഖേര്‍ പ്രത്യക്ഷപ്പെടുന്നത്. ചിത്രത്തെക്കുറിച്ചുള്ള കൂടുതല്‍ വിവരങ്ങള്‍ ഉടന്‍ പുറത്തുവിടുമെന്ന് അനുപം ഖേര്‍ അറിയിച്ചു.
ഒറ്റനോട്ടത്തില്‍ ടാഗോര്‍ മുന്നില്‍ നില്‍ക്കുന്നപോലെയുണ്ട് എന്നായിരുന്നു ആരാധകരുടെ കമന്റുകള്‍. ചിത്രം കണ്ടിട്ട് അനുപം ഖേര്‍ ആണെന്ന് തിരിച്ചറിയാന്‍ സാധിച്ചില്ലെന്ന് ചിലര്‍ കുറിച്ചു.
Advertisement
