ഗൗരവമുള്ള വേഷങ്ങളിലാണ് സുരേഷ് ഗോപിയെ സിനിമകളിൽ മിക്കപ്പോഴും കാണാറുള്ളത്. എന്നാൽ യഥാർഥ ജീവിതത്തിൽ തമാശ ആസ്വദിക്കുന്ന ആളാണ് സുരേഷ് ഗോപി. മിമിക്രിയെ പ്രോത്സാഹിപ്പിച്ച് സുരേഷ് ഗോപി രംഗത്ത് എത്താറുണ്ട്. ഇപ്പോഴിതാ സുധീർ പറവൂരിന്റെയൊപ്പമുള്ള ഒരു വീഡിയോയാണ് സുരേഷ് ഗോപിയുടേതായി ചർച്ചയാകുന്നത്.
സുധീർ പറവൂരിന്റെ ‘ക്ലിഞ്ഞോ പ്ലിഞ്ഞോ’ മിമിക്രി ഗാനം സുരേഷ് ഗോപിയും വേദിയിൽ പാടുകയാണ്. സുധീർ പറവൂർ രസകരമായ ഒരു വരി പാടിയപ്പോൾ അതെനിക്ക് വേണമെന്ന് ആവേശത്തോടെ വ്യക്തമാക്കി തമാശ കലർത്തി ആലപിക്കുകയാണ് സുരേഷ് ഗോപിയും. ലാളിത്യമുളള മനുഷ്യനാണ് സുരേഷ് ഗോപിയെന്ന് വീഡിയോ കണ്ടവർ ചൂണ്ടിക്കാട്ടുന്നു. എന്തായാലും സുരേഷ് ഗോപിയുടെ മിമിക്രി വീഡിയോ ആരാധകർ ഏറ്റെടുത്തിരിക്കുകയാണ്.
സുരേഷ് ഗോപി നായകനായുള്ള പുതിയ സിനിമയായി ‘ഗരുഡൻ’ ആണ് ഇനി പ്രദർശനത്തിന് എത്താനുള്ളത്. ബിജു മേനോനും സുരേഷ് ഗോപിയും ഒന്നിക്കുന്നു എന്ന പ്രത്യേകതയും ‘ഗരുഡനു’ണ്ട്. അരുൺ വർമയാണ് സുരേഷ് ഗോപി ചിത്രം ഒരുക്കുന്നത്. മിഥുൻ മാനുവൽ തോമസിന്റേതാണ് തിരക്കഥ.
സുരേഷ് ഗോപി ചിത്രമായി ഒടുവിലെത്തിയത് ‘മേം ഹൂം മൂസ’യാണ്. ജിബു ജേക്കബ് ആണ് ചിത്രം സംവിധാനം ചെയ്തത്. മോശമല്ലാത്ത പ്രതികരണമാണ് ചിത്രത്തിന് ലഭിച്ചത്. ദില്ലി, ജയ്‍പൂർ, പുഞ്ച്, വാഗാ ബോർഡർ, എന്നിവിടങ്ങളിലായാണ് ഉത്തരേന്ത്യൻ രംഗങ്ങൾ ചിത്രീകരിച്ചത്. കോൺഫിഡന്റ് ഗ്രൂപ്പ്, ആന്റ് തോമസ് തിരുവല്ലാ ഫിലിംസിന്റെ ബാനറിൽ ഡോ. സി ജെ റോയ്, തോമസ് തിരുവല്ല എന്നിവർ ചിത്രം നിർമ്മിച്ചിരിക്കുന്നു.
ദില്ലി, ജയ്‍പൂർ, പുഞ്ച്, വാഗാ ബോർഡർ, എന്നിവിടങ്ങളിലായാണ് ഉത്തരേന്ത്യൻ രംഗങ്ങൾ ചിത്രീകരിച്ചത്. വിഷ്‍ണു നാരായണൻ ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നു.
