Advertisement
ആരാധകരെ ആവേശത്തിലാക്കിക്കൊണ്ട് പാൻ ഇന്ത്യൻ സിനിമ പ്രഖ്യാപിച്ചിരിക്കുകയാണ് തന്റെ 40-)0 പിറന്നാൾ ആഘോഷ വേളയിൽ ദുൽഖർ സൽമാൻ. “ലക്കി ഭാസ്കർ” എന്ന് പേര് നൽകിയിരിക്കുന്ന ചിത്രത്തിന്റെ ടൈറ്റിൽ പോസ്റ്റർ പുറത്തെത്തി.
100 രൂപയിൽ പാതി മുഖം മറച്ചുനിൽക്കുന്ന ദുൽഖറിനെയാണ് പോസ്റ്ററിൽ കാണുന്നത്. വെങ്കി അറ്റ്ലൂരിയാണ് ചിത്രം സംവിധാനം ചെയ്യുന്നത്. സൂര്യദേവര നാഗ വംശിയും സായ് സൗജന്യയും ചേർന്ന് സിത്താര എന്റർടെയ്ൻമെന്റ്‌സിന്റെയും ഫോർച്യൂൺ ഫോർ സിനിമാസിന്റെയും ബാനറുകളിൽ ആണ് ലക്കി ഭാസ്കറിന്റെ നിർമ്മാണം. ശ്രീകര സ്റ്റുഡിയോസാണ് ചിത്രം അവതരിപ്പിക്കുന്നത്.
Advertisement
