ഏഴ് വര്‍ഷങ്ങള്‍ക്കിപ്പുറം വിക്രം നായകനായി എത്തുന്ന ‘ധ്രുവനച്ചത്തിരം’ നവംബര്‍ 24ന് തീയറ്ററുകളിലെത്തും. ചിത്രത്തിന്റെ റിലീസ് തിയതി സംവിധായകന്‍ ഗൗതം വാസുദേവ് മേനോനാണ് തന്റെ ഇന്‍സ്റ്റഗ്രാം അക്കൗണ്ടിലൂടെ അറിയിച്ചത്. 2016-ല്‍ ചിത്രീകരണം ആരംഭിച്ച ‘ധ്രുവനച്ചത്തിരം’പല കാരണങ്ങള്‍ കൊണ്ട് നീണ്ടുപോകുകയായിരുന്നു.
ധ്രുവനച്ചത്തിരം: ചാപ്റ്റര്‍ വണ്‍-യുദ്ധ കാണ്ഡം എന്നാണ് ചിത്രത്തിന്റെ പേര്. നാലോ അഞ്ചോ ഭാഗങ്ങളുള്ള ഒരു ചിത്രമായിട്ടാണ് ധ്രുവനച്ചത്തിരം പ്ലാന്‍ ചെയ്തിരിക്കുന്നതെന്ന് ഒരു അഭിമുഖത്തില്‍ ഗൗതം വാസുദേവ് മേനോന്‍ വ്യക്തമാക്കിയിരുന്നു. ചിത്രത്തിന്റെ ഒരു ട്രെയ്‌ലര്‍ ഗ്ലിംപ്‌സും പുറത്തുവിട്ടിട്ടുണ്ട്. സൂര്യയെയാണ് നായകവേഷത്തിലേക്ക് ആദ്യം പരിഗണിച്ചിരുന്നത്. എന്നാല്‍ പല കാരണങ്ങളാല്‍ ചിത്രീകരണം നടക്കാതെ വരികയും പിന്നീട് ആ വേഷം വിക്രത്തിന് ലഭിക്കുകയും ചെയ്തു. ചിത്രം റിലീസിനൊരുങ്ങുന്നത് വിക്രം ആരാധകരെ ആവേശത്തിലാഴ്ത്തിയിരിക്കുകയാണ്.
