Advertisement
വിജയ് ചിത്രം ലിയോ ഇന്നാണ് തിയറ്ററില്‍ എത്തിയത്. ആരാധകര്‍ ഏറെ പ്രതീക്ഷയോടെ കാത്തിരുന്ന ചിത്രത്തേക്കുറിച്ച് മികച്ച അഭിപ്രായമാണ് പുറത്തുവരുന്നത്. എന്നാല്‍ ചിത്രം തിയറ്ററില്‍ എത്തി മണിക്കൂറുകള്‍ക്ക് പിന്നാലെ ചിത്രത്തിന്റെ വ്യാജന്‍ ഇന്റര്‍നെറ്റില്‍ പ്രചരിക്കുകയാണ്.
എച്ച്ഡി ക്വാളിറ്റിയുള്ള പ്രിന്റാണ് വ്യാജ സൈറ്റുകളില്‍ എത്തിയത്. റിലീസിന് മുന്‍പ് തന്നെ ചിത്രത്തിന്റെ ആദ്യ ഭാഗങ്ങള്‍ സോഷ്യല്‍ മീഡിയയിലൂടെ പുറത്തുവന്നിരുന്നു. തിയറ്ററിനുള്ളില്‍ നിന്ന് പകര്‍ത്തിയ ദൃശ്യങ്ങളാണ് പുറത്തായത്. ഇതിനെതിരെ നിര്‍മാതാക്കള്‍ നടപടിയെടുത്തിരുന്നു. കൂടാതെ ചില ആളുകള്‍ തിയറ്ററില്‍ നിന്ന് ചിത്രം ലൈവ് സ്ട്രീമിങ് നടത്തുന്നതായും റിപ്പോര്‍ട്ടുകളുണ്ട്.
Advertisement
