ഏറെ വര്‍ഷങ്ങള്‍ക്ക് ശേഷം ബോളിവുഡ് സൂപ്പര്‍താരം അമിതാഭ് ബച്ചനും രജനീകാന്തും ഒന്നിക്കുന്ന ചിത്രമാണ് തലൈവര്‍ 170. ടി.ജെ. ജ്ഞാനവേല്‍ സംവിധാനം ചെയ്യുന്ന ചിത്രത്തിന്റെ ഷൂട്ടിങ് പുരോഗമിക്കുകയാണ്. സന്തോഷം പങ്കുവച്ചുകൊണ്ട് രജനീകാന്ത് തന്നെ രംഗത്തെത്തിയിരിക്കുകയാണ്. ബിഗ് ബിക്കൊപ്പമുള്ള ചിത്രം പങ്കുവച്ചുകൊണ്ടാണ് രജനീകാന്തിന്റെ പോസ്റ്റ്. 33 വര്‍ഷത്തിനു ശേഷം ഇതിഹാസത്തിനൊപ്പം ഒന്നിക്കാനായതില്‍ സന്തോഷമുണ്ട് എന്നാണ് സൂപ്പര്‍സ്റ്റാര്‍ കുറിച്ചത്. 33 വര്‍ഷത്തിനുശേഷം വീണ്ടും ഞാന്‍ എന്റെ മാര്‍ഗദര്‍ശിയും ഇതിഹാസവുമായി അമിതാഭ് ബച്ചനൊപ്പം ടിജെ ജ്ഞാനവേല്‍ സംവിധാനം ചെയ്യുന്ന ലൈകയുടെ തലൈവര്‍ 170ല്‍ അഭിനയിക്കുകയാണ്. എന്റെ ഹൃദയം സന്തോഷം കൊണ്ട് തുടിക്കുകയാണ്.- എന്നാണ് രജനീകാന്ത് കുറിച്ചത്. 1991-ല്‍ ഹം എന്ന ചിത്രത്തിലാണ് രജനീകാന്തും അമിതാഭ് ബച്ചനും അവസാനമായി ഒരുമിച്ചഭിനയിച്ചത്.
