Advertisement
പൊന്നിയിന്‍ സെല്‍വന് ശേഷം മണിരത്‌നം സംവിധാനത്തില്‍ കമല്‍ ഹാസന്‍ നായകനായി എത്തുന്ന ചിത്രമാണ് തഗ് ലൈഫ്. ചിത്രത്തില്‍ മലയാളി പ്രേക്ഷകരുടെ പ്രിയപ്പെട്ട താരങ്ങളും അണിനിരക്കുന്നുണ്ട്. ഇപ്പോഴിതാ തഗ് ലൈഫിലെ താരങ്ങളുടെ പേര് ഔദ്യോഗികമായി പങ്കുവെച്ചിരിക്കുകയാണ് അണിയറപ്രവര്‍ത്തകര്‍.
കമല്‍ ഹാസനൊപ്പം ദുല്‍ഖര്‍ സല്‍മാന്‍, ജോജു, ഐശ്വര്യ ലക്ഷ്മി എന്നിവരാണ് മലയാളത്തില്‍ നിന്നും എത്തുന്നത്. ഗൗതം കാര്‍ത്തിക്, തൃഷ, ജയംരവി തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ആക്ഷന് പ്രധാന്യമുള്ള ഒരു ഗ്യാങ്സ്റ്റാര്‍ ചിത്രമായിരിക്കും തഗ് ലൈഫ് എന്നാണ് സൂചന.
രംഗരായ ശക്തിവേല്‍ നായ്ക്കര്‍ എന്ന കഥാപാത്രത്തെയാണ് ചിത്രത്തില്‍ കമല്‍ ഹാസന്‍ അവതരിപ്പിക്കുന്നത്. എ.ആര്‍. റഹ്മാന്‍ ആണ് സംഗീത സംവിധാനം നിര്‍വഹിക്കുന്നത്.
Advertisement
