നടൻ അല്ലു അർജുനെതിരെ കേസ്

Advertisement

നടൻ അല്ലു അർജുനെതിരെ തെരഞ്ഞെടുപ്പ് ചട്ടലംഘനത്തിന് കേസ്. ലോക്സഭാ തെരഞ്ഞെടുപ്പ് ചട്ടം മറികടന്നുകൊണ്ട് ആൾക്കൂട്ടം സൃഷ്ടിച്ചതിനാണ് സൂപ്പർതാരത്തിനെതിരെ കേസെടുത്തത്. വൈഎസ്ആർ കോൺ​ഗ്രസ് എം.എൽ.എ രവി ചന്ദ്ര കിഷോറിനെതിരെയും കേസെടുത്തു.
ആന്ധ്ര പ്രദേശിലെ നന്ദ്യാലയിലെ രവി ചന്ദ്രയുടെ വസതിയിൽ കഴിഞ്ഞ ദിവസം അല്ലു എത്തിയിരുന്നു. താരത്തെ കാണാനായി ആയിരങ്ങളാണ് വീടിനു ചുറ്റും തടിച്ചുകൂടിയത്. അനുവാദമില്ലാതെ രവിചന്ദ്ര അല്ലു അർജുനെ ക്ഷണിക്കുകയും ഇത് വലിയ ആൾക്കൂട്ടത്തിനു കാരണമാവുകയും ചെയ്തതോടെയാണ് കേസെടുത്തത്. തിങ്കളാഴ്ച സംസ്ഥാനത്ത് വോട്ടെടുപ്പ് നടക്കാനിരിക്കെ ആണ് തെരഞ്ഞെടുപ്പ് ചട്ടം ലംഘിച്ചത്.