അഭയ ഹിരണ്‍മയിയും അനുമോളും കാഞ്ചീവരം സാരിയില്‍ അതിസുന്ദരികളായി എത്തിയ ചിത്രങ്ങള്‍ സോഷ്യല്‍ മീഡിയയില്‍ വൈറലാവുകയാണ്. ബ്ലൗസ്ലെസ്സായി പിങ്കിലും കരിംനീലയിലും ഗോള്‍ഡന്‍ വര്‍ക്കുള്ള പരമ്പരാഗത കാഞ്ചീവരം സാരിയിലുള്ള താരങ്ങുടെ ചിത്രങ്ങള്‍ ആരാധകര്‍ ഏറ്റെടുത്തിരിക്കുകയാണ്. മുടിയില്‍ മുല്ലപ്പൂ വെച്ച് നെറ്റിച്ചുട്ടിയും മൂക്കുത്തിയും നെക്ലസും അണിഞ്ഞുള്ള ലുക്കിന് മികച്ച പ്രതികരണമാണ് ലഭിക്കുന്നത്.
അഭയഹിരണ്മയിയുടെ വസ്ത്രബ്രാന്‍ഡായ ഹിരണ്മയയുടെ ഏറ്റവും പുതിയ ‘ആനന്ദം’ സില്‍ക്ക് സാരി കളക്ഷന്റെ മോഡലായാണ് അഭയക്കൊപ്പം അനുമോളും എത്തിയത്. കാഞ്ചീവരം സാരിയിലേക്ക് സമകാലീന ഡിസൈന്‍ ചേര്‍ത്തുപിടിപ്പിച്ചതാണ് ഹിരണ്മയയുടെ പുത്തന്‍ ശ്രേണി. അരികില്‍ ഫ്‌ലോറല്‍ ഡിസൈനിന്റെ കാന്‍വാസ് ആര്‍ട്ടും ഇഴചേര്‍ത്തിരിക്കുന്നു. ഓരോ സാരിക്കും ഒരു കഥ പറയാനുണ്ട് എന്ന് പുത്തന്‍ ലോഞ്ചിനൊപ്പമുള്ള ക്യാപ്ഷനില്‍ പറഞ്ഞിരിക്കുന്നു. ചിത്രങ്ങള്‍ക്ക് പാരമ്പര്യത്തനിമയുള്ള വസ്ത്രങ്ങള്‍ക്കും വസ്ത്രധാരണത്തിനും എക്കാലവും ആരാധകര്‍ ഏറെയാണെന്നു തെളിയിക്കുന്ന രീതിയിലുള്ള കമന്റുകളും എത്തി. സെലിബ്രിറ്റി മേക്കപ്പ് ആര്‍ട്ടിസ്റ്റായ സൗമ്യയാണ് മേക്കപ്പ്.
