ഡ്യുട്ടിക്കിടെ കൊല്ലപ്പെട്ട ഡോ. വന്ദനദാസിന് സമർപ്പിച്ച് കൊണ്ട് ഒരുക്കിയിരിക്കുന്ന അതീവ ഹൃദയസ്പർശിയായ ഒരു സംഗീത ആൽബമാണ് മകൾക്ക്. ആദർശ് എൻ കൃഷ്ണ സംവിധാനം നിർവിച്ചിരിക്കുന്ന എട്ട് മിനിറ്റ് ദൈർഘ്യമുള്ള ഈ ആൽബം വിങ്ങുന്ന ഹൃദയത്തോടെയല്ലാതെ കണ്ടിരിക്കാൻ സാധ്യമല്ല. യുട്യൂബിൽ റിലീസ് ചെയ്ത് ദിവസങ്ങൾക്കകം ഈ വീഡിയോ വൈറലായിക്കഴിഞ്ഞു.
സന്തോഷ് നൂറനാടിന്റെ അതിമനോഹരമായ വരികളും ആരെയും ആകർഷിക്കുന്നതാണ്. ഡോ. നിതിൻ സോമനാണ് ഹൃദ്യമായി ഗാനം ആലപിച്ചിരിക്കുന്നത്. വിനു അഞ്ചൽ ഓർക്കസ്ട്രേഷൻ നിർവഹിച്ചിരിക്കുന്നു.
പ്രശസ്ത സിനിമാ സീരിയൽ താരം ബാലാജി ചെയത അച്ഛൻ വേഷം ആരുടെയും കണ്ണിനെ ഈറനണിയിക്കും. മേഘ നായരാണ് വന്ദനയെ അവതരിപ്പിച്ചിരിക്കുന്നത്. ആദർശ് അടക്കമുള്ളവരും ഇതിൽ വേഷമിട്ടിട്ടുണ്ട്. തികച്ചും ഗ്രാമീണ പശ്ചാത്തലത്തിലൊരുക്കിയ മകൾക്ക് പ്രേക്ഷകർ ഇതിനകം തന്നെ ഇരുകയ്യും നീട്ടി സ്വീകരിച്ച് കഴിഞ്ഞു.
https://youtu.be/JWogUzHs8uw?si=RlBrMWJAOaP4d6LD
