Advertisement
തെന്നിന്ത്യന്‍ താരം കാര്‍ത്തിയുടെ ഹിറ്റ് ചിത്രം സര്‍ദാറിന്റെ രണ്ടാം ഭാഗം സര്‍ദാര്‍ 2 വിന്റെ പൂജ നടന്നു. കാര്‍ത്തിയുള്‍പ്പെടെയുള്ളവര്‍ പൂജ ചടങ്ങില്‍ പങ്കെടുത്തു. ഈ മാസം 15ന് ചെന്നൈയില്‍ വച്ച് ചിത്രത്തിന്റെ ചിത്രീകരണം തുടങ്ങും.
അതേസമയം സര്‍ദാര്‍ 2വില്‍ കാര്‍ത്തിക്കൊപ്പം ആരൊക്കെ ഉണ്ടാകുമെന്ന കാര്യം വ്യക്തമല്ല. പിഎസ് മിത്രനാണ് ചിത്രം സംവിധാനം ചെയ്യുന്നത്. പ്രിന്‍സ് പിക്ചേഴ്സിന്റെ ബാനറില്‍ ആണ് ചിത്രം പ്രേക്ഷകരിലേക്കെത്തുക. സര്‍ദാറില്‍ വേറിട്ട ഗെറ്റപ്പുകളിലെത്തിയ കാര്‍ത്തി ചിത്രത്തില്‍ മികച്ച പ്രകടനം നടത്തുകയും പ്രേക്ഷകര്‍ ഏറ്റെടുക്കുകയും ചെയ്തിരുന്നു. ബോളിവുഡ് നടനായിരിക്കും സര്‍ദാര്‍ 2 വില്‍ വില്ലനായെത്തുക.
Advertisement
