Advertisement
സൂര്യ ഡബിൾ റോളിൽ എത്തുന്ന ആരാധകർ കാത്തിരിക്കുന്ന ചിത്രമാണ് കങ്കുവ. ഇപ്പോഴിതാ ചിത്രത്തിന്റെ പുതിയൊരു വിവരം പുറത്തു വന്നിരിക്കുകയാണ്. എഐ ഉപയോഗിച്ച് കങ്കുവയ്ക്ക് വേണ്ടി നടൻ സൂര്യയുടെ ശബ്ദം ഒന്നിലധികം ഭാഷകളിൽ ഡബ്ബ് ചെയ്യുമെന്നാണ് ചിത്രത്തിൻ്റെ നിർമ്മാതാവ് കെ ഇ ജ്ഞാനവേൽ രാജ അറിയിച്ചിരിക്കുന്നത്. അടുത്തിടെ, വേട്ടയ്യന്റെ നിർമ്മാതാക്കളും അമിതാഭ് ബച്ചൻ്റെ ശബ്ദത്തിനായും ഇതിന് സമാനമായ രീതി ചെയ്തിരുന്നു. ചൈനീസ്, ജാപ്പനീസ് ഭാഷകളിലും ചിത്രം റിലീസ് ചെയ്യാൻ ആഗ്രഹിക്കുന്നതിനാൽ ഇത് വിജയിക്കുമെന്ന് പ്രതീക്ഷിക്കുന്നതായി – കെ ഇ ജ്ഞാനവേൽ രാജ പറഞ്ഞു.
ലോകമെമ്പാടുമുള്ള 3500 സ്‌ക്രീനുകളിൽ കങ്കുവ റിലീസ് ചെയ്യുമെന്നും ജ്ഞാനവേൽ കൂട്ടിച്ചേർത്തു. തെലുങ്ക്, കന്നഡ, മലയാളം, ഹിന്ദി, ഇംഗ്ലീഷ്, ഫ്രഞ്ച്, സ്പാനിഷ് തുടങ്ങി എട്ട് ഭാഷകളിൽ നവംബർ 14ന് കങ്കുവ റിലീസ് ചെയ്യും.
Advertisement
