Advertisement
പൊതുസ്ഥലത്ത് സിഗരറ്റ് വലിച്ചതിന്റെ പേരില്‍ പലപ്പോഴും വിവാദത്തിലായിട്ടുള്ള ആളാണ് ഷാരുഖ് ഖാന്‍. എന്നാല്‍ ഇപ്പോള്‍ താന്‍ പുകവലി നിര്‍ത്തിയെന്ന് വെളിപ്പെടുത്തിയിരിക്കുകയാണ് ഇപ്പോള്‍ താരം. പിറന്നാളിനോട് അനുബന്ധിച്ച് ആരാധകരുമായി കൂടിക്കാഴ്ച നടത്തിയപ്പോഴാണ് പുകവലിയേക്കുറിച്ച് താരം തുറന്നു പറഞ്ഞത്.
ഒരു നല്ല കാര്യംകൂടി പറയാനുണ്ട്. ഞാന്‍ ഇനി പുകവലിക്കില്ല. പുകവലി ഉപേക്ഷിച്ചതിന് ശേഷം ശ്വാസതടസ്സം അനുഭവപ്പെടില്ല എന്നാണ് ഞാന്‍ കരുതിയിരുന്നത്. പക്ഷേ ചെറിയ ശ്വാസം മുട്ടുണ്ട്. ദൈവത്തിന്റെ അനുഗ്രഹത്താല്‍ അതും ശരിയാകുമെന്ന് പ്രതീക്ഷിക്കുന്നു- ആരാധകരോട് ഷാരൂഖ് പറഞ്ഞു. വലിയ ആവേശത്തോടെയാണ് താരത്തിന്റെ ആരാധകര്‍ ഇത് സ്വീകരിച്ചത്.
പുകവലി ശീലത്തെക്കുറിച്ച് നേരത്തെ താരം തുറന്നുപറഞ്ഞിട്ടുണ്ട്. ഒരു ദിവസം 100 സിഗരറ്റുകള്‍ വരെ വലിക്കാറുണ്ടെന്നാണ് താരം വെളിപ്പെടുത്തിയത്.
Advertisement
