പൃഥ്വിരാജ്-മോഹന്‍ലാല്‍ കൂട്ടുകെട്ടില്‍ ഒരുങ്ങുന്ന എമ്പുരാന്‍ ആരാധകര്‍ ഏറെ ആകാംഷയോടെ കാത്തിരിക്കുന്ന ചിത്രമാണ്. ചിത്രത്തിന്റേതായി പുറത്തു വരുന്ന ഓരോ അപ്‌ഡേറ്റുകളും ആരാധകര്‍ ഏറെ ആവേശത്തോടെയാണ് സ്വീകരിക്കുന്നത്. ഇപ്പോഴിതാ ചിത്രത്തിന്റെ ഏറ്റവും പുതിയ വിശേഷം പങ്കുവച്ചിരിക്കുകയാണ് നടനും സംവിധായകനുമായ പൃഥ്വിരാജ്. മാര്‍ച്ച് 27 നാണ് ചിത്രത്തിന്റെ റിലീസ്.
സോഷ്യല്‍ മീഡിയയില്‍ പൃഥ്വിരാജ് പങ്കുവെച്ച പോസ്റ്റില്‍ വരും ദിവസങ്ങളില്‍ ചിത്രത്തിലെ 36 കഥാപാത്രങ്ങളെ പ്രേക്ഷകര്‍ക്ക് പരിചയപ്പെടുത്തുമെന്നാണ് അറിയിച്ചിരിക്കുന്നത്. എമ്പുരാനിലെ കഥാപാത്രങ്ങളെ പരിചയപ്പെടൂ. അത് അവതരിപ്പിച്ച അഭിനേതാക്കള്‍ അനുഭവം നിങ്ങളോട് പങ്കുവയ്ക്കും. 36 കഥാപാത്രങ്ങള്‍, 18 ദിവസം! നാളെ മുതല്‍ രാവിലെ 10നും വൈകിട്ട് 6 മണിക്കും ആകും അപ്‌ഡേറ്റ് റിലീസ് ചെയ്യുക’. എന്നാണ് പൃഥ്വിരാജ് കുറിച്ചിരിക്കുന്നത്.
മലയാളം, തമിഴ്, ഹിന്ദി, തെലുങ്ക്, കന്നഡ ഭാഷകളിലായാണ് എമ്പുരാന്‍ റിലീസ് ചെയ്യുക. പൃഥ്വിരാജ്, മോഹന്‍ലാല്‍ , ടൊവിനോ തോമസ്, മഞ്ജു വാരിയര്‍, ശശി കപൂര്‍, ഇന്ദ്രജിത്ത്, ബൈജു സന്തോഷ്, സാനിയ ഇയ്യപ്പന്‍, തുടങ്ങിയവരും ലൂസിഫറില്‍ ഉണ്ടായിരുന്നു. ആന്റണി പെരുമ്പാവൂരിന്റെ ആശീര്‍വാദ് സിനിമാസും ലൈകാ പ്രൊഡക്ഷനും ചേര്‍ന്നാണ് എമ്പുരാന്റെ നിര്‍മാണം .