മുംബൈ: നടി കാജൽ അഗർവാളിന് ആൺകുഞ്ഞ് പിറന്നതായി റിപ്പോർട്ട്. എന്നാൽ കുഞ്ഞ് പിറന്ന കാര്യത്തെ കുറിച്ച് നടി ഇതുവരെ ഔദ്യോഗിക പ്രഖ്യാപനമൊന്നും നടത്തിയിട്ടില്ല.
കുഞ്ഞിന്റെ വരവിനെക്കുറിച്ചുള്ള വാർത്തകൾ ട്വിറ്ററിൽ പ്രചരിക്കാൻ തുടങ്ങി.
കാജൽ തന്റെ പ്രസവകാലം സമൂഹ മാധ്യമങ്ങളിൽ പങ്കിടുമ്പോൾ, ഏറ്റവും പുതിയ സെലിബ്രിറ്റി ട്രെൻഡ് പിന്തുടർന്ന് തന്റെ കുഞ്ഞിന്റെ ഫോട്ടോകൾ പങ്കിടുന്നത് ഒഴിവാക്കുമോ എന്നാണ് ആരാധകരുടെ സംശയം. ഏതായാലും കാജലിന്റെ കുഞ്ഞിനെ ഇതിനോടകം തന്നെ ആരാധകർ സ്വീകരിച്ചുകഴിഞ്ഞു. മെറ്റേണിറ്റി ഷൂട്ടിംഗിൽ നിന്നുള്ള ഒരു കൂട്ടം ഫോട്ടോകൾ താരം ഓൺലൈനിൽ പങ്കിട്ട് ഒരാഴ്ചയ്ക്ക് ശേഷമാണ് കുഞ്ഞ് പിറന്ന വാർത്ത പുറത്തുവരുന്നത്.
‘അമ്മ’ എന്ന പുതിയ വേഷം ഏറ്റെടുക്കാനുള്ള തന്റെ ആവേശം പങ്കുവെച്ചുകൊണ്ട്, നടി സമൂഹ മാധ്യമങ്ങളിൽ ഒരു കുറിപ്പ് പങ്കിട്ടിരുന്നു.
‘മാതൃത്വത്തിനായുള്ള തയാറെടുപ്പ് മനോഹരമാണ്. പക്ഷേ പ്രശ്‌നങ്ങളുണ്ടാവാം. ഒരു നിമിഷം നിങ്ങൾക്ക് എല്ലാം നിയന്ത്രണത്തിലാണെന്ന് തോന്നും. അടുത്ത നിമിഷം, നിങ്ങൾ വളരെ ക്ഷീണിതനായിരിക്കുമ്പോൾ, എങ്ങനെ ഉറങ്ങാൻ പോകുന്നുവെന്നോർത്ത് ആശ്ചര്യപ്പെട്ടേക്കും’.
2020ലെ ലോക് ഡൗൺ കാലത്താണ് ഗൗതം കിച് ലുവുമായുള്ള കാജലിന്റെ വിവാഹം. വളരെ അടുത്ത ബന്ധുക്കൾ മാത്രമുള്ള ചടങ്ങായിരുന്നു.
ജനുവരി എട്ടിനാണ് താൻ ഗർഭിണിയാണെന്ന വിവരം നടി ആരോധകരെ അറിയിച്ചത്. ‘ഈ വർഷം എന്റെ കുഞ്ഞിനെ കാണാൻ ഞാൻ വളരെ ആവേശത്തിലാണ്, എനിക്ക് സന്തോഷം അടക്കാനാവുന്നില്ല.’ എന്നായിരുന്നു താരം പറഞ്ഞത്.
