നടനും അവതാരകനുമായ കൃഷ്ണകുമാറിന്റെ നാല് പെണ്‍മക്കളും ഭാര്യ സിന്ധുവുമെല്ലാം സോഷ്യല്‍ മീഡിയകളില്‍ താരങ്ങളാണ്. മൂത്തമകള്‍ അഹാന കൃഷ്ണ സിനിമയിലൂടെ പേരെടുത്തുകഴിഞ്ഞു.
അനിയത്തിമാരെ സമൂഹമാധ്യമങ്ങളിലൂടെ പോപ്പുലര്‍ ആക്കിയത് അഹാനയാണ് . അവര്‍ക്ക് ഒപ്പം ടിക് ടോക് വീഡിയോസ് ചെയ്ത മലയാളികള്‍ക്ക് സുപരിചിതരാക്കി മാറ്റുകയും പിന്നീട് ഓരോ ആളുകള്‍ക്ക് പ്രത്യേകം പ്രത്യേകം ഫാന്‍ ബേസ് വരികയും ചെയ്തു. അഹാനയുടെ അനിയത്തിമാരായ ദിയ, ഇഷാനി, ഹന്‍സിക എല്ലാവര്‍ക്കും ഇന്‍സ്റ്റാഗ്രാമിലും യൂട്യൂബിലുമെല്ലാം ഒരുപാട് ഫോളോവേഴ്സ് ആണ് ഉളളത്.
അഹാന കഴിഞ്ഞാല്‍ പിന്നീട് സിനിമ മേഖലയിലേക്ക് ചുവടുവച്ചത് ഇഷാനിയാണ്. ഇഷാനി അച്ഛനും കൂടി വണ്‍ എന്ന സിനിമയില്‍ മമ്മൂട്ടിക്ക് ഒപ്പം അഭിനയിച്ചിരുന്നു. അതുകൊണ്ട് തന്നെ താരകുടുംബത്തിലെ അടുത്ത നായിക ഇഷാനിയാന്നെന്നാണ് മലയാളികളുടെ കണ്ടെത്തലുകള്‍. അത് തോന്നിപ്പിക്കുന്ന വിധത്തില്‍ ഒരു ഫോട്ടോഷൂട്ടാണ് ഇഷാനി ഇപ്പോള്‍ ചെയ്തിരിക്കുന്നത്.
ജിക്സണ്‍ ഫ്രാന്‍സിസ് എടുത്ത ചിത്രങ്ങളില്‍ ഇഷാനിയെ സ്റ്റൈലിഷ് മേക്കോവറിലാണ് കാണാന്‍ സാധിക്കുന്നത്. അമ്മയ്ക്കും അഹാനയ്ക്കും ഒപ്പം തിരുവനന്തപുരത്ത് നിന്നും കൊച്ചയില്‍ എത്തിയാണ് ഇഷാനി പുതിയ ഷൂട്ട് ചെയ്തിരിക്കുന്നത്. ഇതിന്റെ ബി.ടി.എസ് വീഡിയോ ഇഷാനി തന്റെ യൂട്യൂബ് ചാനലില്‍ പോസ്റ്റ് ചെയ്തിട്ടുണ്ട്. യൂട്യൂബ് ട്രെന്‍ഡിങ്ങില്‍ അത് പെട്ടന്ന് തന്നെ ഇടംപിടിക്കുകയും ചെയ്തിട്ടുണ്ട്.
