അലുമിനിയം ഫോയിലിൽ ഭക്ഷണം സൂക്ഷിക്കുന്നത് ആരോഗ്യത്തിന് നന്നല്ലെന്നാണ് വിവിധ പഠനങ്ങൾ പറയുന്നത്. അലൂമിനിയത്തിൽ ധാരാളം രാസവസ്തുക്കൾ അടങ്ങിയിട്ടുണ്ട്. ഇത് ആരോഗ്യത്തിന് ഹാനികരമാണ്.
ഇന്റർനാഷണൽ ജേണൽ ഓഫ് ഇലക്ട്രോകെമിക്കൽ സയൻസ് ജേണലിൽ പ്രസിദ്ധീകരിച്ച ഗവേഷണമനുസരിച്ച്, അലൂമിനിയം ഫോയിൽ അസിഡിറ്റി ഉള്ള ഭക്ഷണവുമായി പ്രതിപ്രവർത്തിക്കും. ഭക്ഷണം ചൂടുള്ളതാണെങ്കിൽ പോലും അത് നിങ്ങളെ ദോഷകരമായി ബാധിക്കും. അലൂമിനിയം ഫോയിലിൽ ഭക്ഷണം സൂക്ഷിക്കുമ്പോൾ വായു കടക്കാതെ വരുമെന്നും അതിനാൽ അതിൽ ബാക്ടീരിയകൾ വളരുമെന്നും മറ്റ് ചില പഠനങ്ങളിലും വെളിപ്പെടുത്തിയിട്ടുണ്ട്. ക്ഷീരോല്പന്നങ്ങൾ, മാംസം പോലുള്ള ഭക്ഷണ പദാർത്ഥങ്ങളിലാണ് ഈ പ്രശ്‌നം കൂടുതലായി സംഭവിക്കാനിടയുളളത്. ഇവ ശരിയായി സൂക്ഷിച്ചില്ലെങ്കിൽ പെട്ടെന്ന് കേടാകും. ശേഷിക്കുന്ന ഭക്ഷണം അലുമിനിയം ഫോയിലിൽ സൂക്ഷിക്കുക എന്നത് സൗകര്യപ്രദമായ മാർഗമായിരിക്കാം എന്നിരുന്നാലും അത് വളരെ ദോഷകരമാണ്.
അലുമിനിയം ഫോയിലിൽ സൂക്ഷിക്കുന്നത് ഒഴിവാക്കേണ്ട ചില ഭക്ഷണ പദാർത്ഥങ്ങൾ – തക്കാളി, സിട്രസ് പഴങ്ങൾ തുടങ്ങിയ അസിഡിക് ഭക്ഷണങ്ങൾ. ഗരം മസാല, ജീരകം, മഞ്ഞൾ തുടങ്ങിയ മസാലകൾ. കറികളും അച്ചാറുകളും. ചീസ്, വെണ്ണ. ഫോയിൽ സൂക്ഷിക്കാൻ കഴിയുന്നവ – സാൻഡ്വിച്ച്, ബ്രെഡ്, കേക്കുകളും മഫിനുകളും. റോസ്റ്റഡ് പച്ചക്കറികൾ അല്ലെങ്കിൽ ചിക്കൻ.
