കൂടുതലായി ഉറങ്ങുന്നത് പല ആരോഗ്യ പ്രശ്നങ്ങൾക്കും കാരണമാകാറുണ്ട്. എന്നാൽ, അതിന്റെ പിന്നിലെ കാരണം പലർക്കും അറിയില്ല. ഇത് വളരെ ഗുരുതരമായ ആരോഗ്യ പ്രശ്നങ്ങൾക്കാണ് വഴിവയ്ക്കുന്നത്. ഇടയ്ക്കിടെയുള്ള ഉറക്കവും ഉയർന്ന രക്തസമ്മർദ്ദവും പരസ്പരം ബന്ധപ്പെട്ടിരിക്കുന്നതായി പഠനം.
അമേരിക്കൻ ഹാർട്ട് അസോസിയേഷന്റെ ജേണലായ ഹൈപ്പർടെൻഷനിലാണ് പഠനത്തിന്റെ കണ്ടെത്തലുകൾ പ്രസിദ്ധീകരിച്ചത്. ഇടയ്ക്കിടെയുള്ള ഉറക്കം ഉയർന്ന രക്തസമ്മർദ്ദം, ഇസ്‌കെമിക് സ്ട്രോക്ക് എന്നിവയുമായി ബന്ധപ്പെട്ടിട്ടുണ്ടോ എന്ന് പരിശോധിച്ചു. ഇതിനായി 2006 നും 2010 നും ഇടയിൽ യുഎസിൽ താമസിച്ചിരുന്ന 40 നും 69 നും ഇടയിൽ പ്രായമുള്ള 500,000-ത്തിലധികം പേരെ യുകെ ബയോബാങ്ക് റിക്രൂട്ട് ചെയ്തു. അവർ പതിവായി രക്തം, മൂത്രം, ഉമിനീർ എന്നിവയുടെ സാമ്പിളുകളും അവരുടെ ജീവിതരീതിയെക്കുറിച്ചുള്ള വിശദമായ വിവരങ്ങളും നൽകി. ഉച്ചയുറക്കവും സ്ട്രോക്ക് അല്ലെങ്കിൽ ഉയർന്ന രക്തസമ്മർദ്ദത്തിന്റെ ആദ്യ റിപ്പോർട്ടുകളും തമ്മിലുള്ള ബന്ധം വിശകലനം ചെയ്തു. 11 വർഷം ഫോളോ അപ്പ് ചെയ്തു.
രാത്രിയിലെ മോശം ഉറക്കം മോശം ആരോഗ്യവുമായി ബന്ധപ്പെട്ടിരിക്കുന്നു, മാത്രമല്ല അത് നികത്താൻ അമിത ഉറക്കം പര്യാപ്തമല്ല താനും. പലരും രാത്രി ഉറക്കമില്ലായ്മ പരിഹരിക്കാനായാണ് കൂടുതൽ ഉറങ്ങുന്നത്. എന്നാൽ, ഇത് ഹൃദയാരോഗ്യത്തിനും മറ്റ് പ്രശ്നങ്ങൾക്കും ഉള്ള അപകടസാധ്യത വർദ്ധിപ്പിക്കുന്നതായി കണ്ടെത്തി.
