ചര്‍മത്തിന് പ്രായക്കുറവ് തോന്നിപ്പിയ്ക്കാന്‍ പല വഴികളും പരീക്ഷിയ്ക്കുന്നവര്‍ ധാരാളമുണ്ട്. പലതും തൊലിപ്പുറത്തുള്ള പണികളാണ് പരീക്ഷിയ്ക്കാറ്. എന്നാല്‍ ചര്‍മസംരക്ഷണത്തിനൊപ്പം തന്നെ ചര്‍മത്തിന് ഉള്ളില്‍ നിന്നും സംരക്ഷണം നല്‍കാന്‍ സഹായിക്കുന്ന പോഷകങ്ങളും ഏറെ ഗുണകരമാണ്. ചില പ്രത്യേക ഭക്ഷണവസ്തുക്കള്‍ കഴിയ്ക്കുന്നത് ചര്‍മത്തിന് തിളക്കവും മിനുസവും നല്‍കാന്‍ സഹായിക്കുന്നു. ഇത്തരത്തില്‍ ഒന്നാണ് ബദാം. ഇത് പ്രത്യേക രീതിയില്‍ കഴിയ്ക്കുന്നത് ഏറെ ഗുണകരമാണ്.
ബദാം ശരീരത്തിനും ചര്‍മത്തിനും ആവശ്യമായ പല പോഷകങ്ങളും അടങ്ങിയതാണ്. പ്രോട്ടീനും വൈറ്റമിന്‍ ഡിയും ഇയുമെല്ലാം അടങ്ങിയതാണ് ബദാം. ബദാം ശരീരത്തിനും ചര്‍മത്തിനും ആവശ്യമായ പല പോഷകങ്ങളും അടങ്ങിയതാണ്. പ്രോട്ടീനും വൈറ്റമിന്‍ ഡിയും ഇയുമെല്ലാം അടങ്ങിയതാണ് ബദാം. വൈറ്റമിന്‍ ഇ ചര്‍മത്തിലെ ചുളിവുകളും വരകളും അകറ്റാന്‍ ഏറെ അത്യാവശ്യമാണ്. ചര്‍മം അയഞ്ഞ് തൂങ്ങുന്നത് തടയാനും ഇതേറെ നല്ലതാണ്. വൈറ്റമിന്‍ ഇ പല ചര്‍മസംരക്ഷണ ഉല്‍പന്നങ്ങളിലും അടങ്ങിയിട്ടുള്ള ഒന്നാണ്. ചര്‍മത്തിനും മുടിയ്ക്കുമെല്ലാം അത്യാവശ്യമായ ഒന്നാണിത്.
സ്വാഭാവിക എണ്ണമയം
ബദാമില്‍ ലിനോലെയിക് ആസിഡ് എന്ന ഒരു ഘടകം അടങ്ങിയിട്ടുണ്ട്. ഇത് ചര്‍മത്തിലെ സ്വാഭാവിക എണ്ണമയം നില നിര്‍ത്താന്‍ സഹായിക്കുന്നു. ഈര്‍പ്പം നില നിര്‍ത്തുന്നു. ഈര്‍പ്പമില്ലാതെ വരുന്നതാണ് പലപ്പോഴും ചര്‍മത്തിന് ദോഷം വരുത്തുന്നത്. വരണ്ട ചര്‍മത്തിന് ഇതേറെ നല്ലതാണ്. ഇതുപോലെ ഇതില്‍ അടങ്ങിയിരിയ്ക്കുന്ന കോപ്പര്‍ ചര്‍മത്തിന് നിറം വര്‍ദ്ധിപ്പിയ്ക്കുന്നു. റൈബോഫ്‌ളേവിന്‍, നിയാസിന്‍ എന്നിവയും ഏറെ നല്ലതാണ്. ഇരുണ്ട നിറവും പിഗ്മെന്റേഷന്‍ പ്രശ്‌നങ്ങളും മാറാനും ഇതേറെ നല്ലതാണ്.
നല്ല കൊഴുപ്പിന്റെ ഉറവിടം
നല്ല കൊഴുപ്പിന്റെ ഉറവിടം കൂടിയാണ് ബദാം. നല്ല കൊഴുപ്പ് ചര്‍മത്തിന് അത്യാവശ്യമാണ്. ചര്‍മത്തിലെ ചുളിവും വരകളും തടയാന്‍ ഇതേറെ നല്ലതാണ്. ആരോഗ്യകരമായ കൊഴുപ്പില്ലെങ്കില്‍ ചര്‍മം വരണ്ടുപോകുന്നതും സാധാരണയാണ്. പെട്ടെന്ന് പ്രായം തോന്നും. ഇതിനാല്‍ ആരോഗ്യകരമായ കൊഴുപ്പ് ശരീരത്തില്‍ എത്തണം. ഇതിലൂടെയും ചര്‍മത്തെ സഹായിക്കുന്ന ഒന്നാണ് ബദാം.
ബദാം കുതിര്‍ത്ത്
ബദാം ചര്‍മത്തിന് ഗുണം നല്‍കാന്‍ കഴിയ്‌ക്കേണ്ട രീതിയും ഏറെ പ്രധാനമാണ്. പലരും കൊഴുപ്പിന്റെ കാര്യം പറഞ്ഞ് തൊലി കളഞ്ഞാണ് കഴിയ്ക്കുക. തൊലി കഴിച്ചാല്‍ ഇതിലെ ഫൈറ്റിക് ആസിഡ് പോഷകങ്ങള്‍ ആഗിരണം ചെയ്യുന്നതില്‍ നിന്നും ശരീരത്തെ തടയുമെന്നതാണ് കാരണമായി പറയുന്നത്. എന്നാല്‍ ബദാം കുതിര്‍ത്ത് കഴിച്ചാല്‍ ഈ പ്രശ്‌നം വരുന്നില്ല. ഫൈറ്റിക് ആസിഡ് കുതിരുന്നതിലൂടെ നീക്കപ്പെടുന്നു. തൊലിയിലാണ് വൈറ്റമിന്‍ ഇ കൂടുതല്‍ അടങ്ങിയിട്ടുള്ളത്. ഇതിനാല്‍ തൊലി കളഞ്ഞാല്‍ ഈ ഗുണം പൂര്‍ണമായും ലഭിയ്ക്കാതെ പോകുന്നു.
വെറുംവയറ്റില്‍
ഇത് രാവിലെ വെറുംവയറ്റില്‍ കഴിയ്ക്കുന്നതാണ് ഗുണം ലഭിയ്ക്കാന്‍ കൂടുതല്‍ നല്ലത്. ഇതിലൂടെ പോഷകങ്ങള്‍ നല്ല രീതിയില്‍ വലിച്ചെടുക്കാന്‍ ശരീരത്തിന് സാധിയ്ക്കും. ബദാം ഫേസ്പായ്ക്കായി അരച്ചിടുന്നതും നല്ലതാണ്. ബദാം ഓയിലും ഗുണം നല്‍കും. ബദാം അരച്ച് പാലില്‍ ചേര്‍ത്ത് കഴിയ്ക്കുന്നതും ബദാം മില്‍ക് കഴിയ്ക്കുന്നതുമെല്ലാം തന്നെ ഗുണം നല്‍കുന്നതാണ്.
