Advertisement
ക്രമം തെറ്റിയ ആർത്തവം ഇന്ന് മിക്ക സ്ത്രീകളിലും കാണുന്ന പ്രശ്നമാണ്. ക്രമരഹിതമായ ആർത്തവം സാധാരണയായി ഹോർമോൺ അസന്തുലിതാവസ്ഥയുമായോ പോളിസിസ്റ്റിക് ഓവറി സിൻഡ്രോം പോലുള്ള ആരോഗ്യ അവസ്ഥകളുമായോ ബന്ധപ്പെട്ടിരിക്കുന്നു. ഭാരത്തിലെ ഏറ്റക്കുറച്ചിലുകൾ അല്ലെങ്കിൽ സമ്മർദ്ദം എന്നിവയും ആർത്തവം വെെകുന്നതിന് ഇടയാക്കുന്നു.
സാധാരണയായി, ഒരു സൈക്കിൾ 21-നും 35-നും ഇടയിലായിരിക്കും. ഗർഭിണിയാകാതെ ആർത്തവം വരാതിരിക്കുന്നതോ ഇട്ടവിട്ട് വരുന്നതോ എല്ലാം ക്രമഹരിതമായ ആർത്തവത്തിന്റെ ലക്ഷണമാണെന്ന് ഗൈനക്കോളജിസ്റ്റും വന്ധ്യതാ വിദഗ്ധനുമായ ഡോ.ഗുർപ്രീത് ബത്ര പറയുന്നു. ഏകദേശം 14 മുതൽ 25 ശതമാനം സ്ത്രീകൾക്ക് ക്രമരഹിതമായ ആർത്തവം അനുഭവപ്പെടുന്നതായി 2023-ൽ Cureus-ൽ പ്രസിദ്ധീകരിച്ച ഗവേഷണത്തിൽ പറയുന്നു.
ക്രമരഹിതമായ ആർത്തവത്തിൻ്റെ കാരണങ്ങൾ എന്തൊക്കെയാണ്?
- ഹോർമോൺ അസന്തുലിതാവസ്ഥ: ആർത്തവചക്രം നിയന്ത്രിക്കുന്ന ഈസ്ട്രജൻ, പ്രോജസ്റ്ററോൺ തുടങ്ങിയ ഹോർമോണുകളിലെ ഏറ്റക്കുറച്ചിലുകൾ ക്രമക്കേടിലേക്ക് നയിച്ചേക്കാം.
- പോളിസിസ്റ്റിക് ഓവറി സിൻഡ്രോം (പിസിഒഎസ്): അണ്ഡാശയങ്ങൾ അസാധാരണമായ അളവിൽ ആൻഡ്രോജൻ ഉത്പാദിപ്പിക്കുന്ന ഒരു സാധാരണ അവസ്ഥ. ഇത് ആർത്തവ ക്രമത്തെ ബാധിക്കുന്നു.
- തൈറോയ്ഡ് തകരാറുകൾ: തൈറോയിഡ് പ്രവർത്തനരഹിതമായ ഹൈപ്പോതൈറോയിഡിസം, അല്ലെങ്കിൽ ഹൈപ്പർതൈറോയിഡിസം, ഓവർ ആക്ടീവ് തൈറോയ്ഡ്, ആർത്തവത്തെ തടസ്സപ്പെടുത്തുന്നതായി വിദഗ്ധർ പറയുന്നു.
- സമ്മർദ്ദം: ശാരീരികമോ വൈകാരികമോ ആയ സമ്മർദ്ദം ഹോർമോണുകളെ നിയന്ത്രിക്കുന്ന തലച്ചോറിൻ്റെ ഭാഗമായ ഹൈപ്പോതലാമസിനെ തടസ്സപ്പെടുത്തും.
- ഭാരത്തിലെ ഏറ്റക്കുറച്ചിലുകൾ: അമിതഭാരം കുറയൽ, പൊണ്ണത്തടി, ഭക്ഷണ ക്രമക്കേടുകൾ എന്നിവ ആർത്തവചക്രത്തെ ബാധിക്കും.
- അമിതമായ വ്യായാമം: അമിതമായ വ്യായാമം ക്രമരഹിതമായ ആർത്തവത്തിന് കാരണമാകുന്ന ഹോർമോൺ മാറ്റങ്ങൾക്ക് കാരണമാകും.
- ആർത്തവവിരാമം: ഒരു സ്ത്രീ ആർത്തവവിരാമത്തോട് അടുക്കുമ്പോൾ (സാധാരണയായി 45-55 വയസ്സിനിടയിൽ), ആർത്തവം ക്രമരഹിതം ആകാറുണ്ട്.
Advertisement
