കുടലിന്റെ ആരോഗ്യം സംരക്ഷിക്കാൻ ഭക്ഷണകാര്യത്തിൽ ഏറെ ശ്രദ്ധ വേണം. ദഹനം മെച്ചപ്പെടുത്താനും രോഗ പ്രതിരോധശേഷി മെച്ചപ്പെടുത്താനുമൊക്കെ ഇത് പ്രധാനമാണ്. അത്തരത്തിൽ കുടലിൻറെ ആരോഗ്യം സംരക്ഷിക്കാൻ സഹായിക്കുന്ന ചില പാനീയങ്ങളെ പരിചയപ്പെടാം.
- നാരങ്ങാ വെള്ളം
ഇളം ചൂടുവെള്ളത്തിൽ നാരങ്ങാ നീര് ചേർക്കുന്നത് കുടലിൻറെ ആരോഗ്യം സംരക്ഷിക്കാൻ സഹായിക്കും. നാരങ്ങയിലെ വിറ്റാമിൻ സിയും ആൻറി ഓക്സിഡൻറുകളും കുടലിലെ വിഷാംശങ്ങളെ പുറംന്തള്ളാനും സഹായിക്കും.
- ഗ്രീൻ ടീ
ആൻറി ഓക്സിഡൻറുകൾ ധാരാളം അടങ്ങിയ ഗ്രീൻ ടീ ഡയറ്റിൽ ഉൾപ്പെടുത്തുന്നത് ഗ്യാസ് കെട്ടി വയറു വീർത്തിരിക്കുന്ന അവസ്ഥയെ തടയാനും കുടലിലെ നല്ല ബാക്ടീരിയകളുടെ എണ്ണം വർധിപ്പിക്കാനും കുടലിൻറെ ആരോഗ്യം സംരക്ഷിക്കാനും സഹായിക്കും.
- ഇഞ്ചി ചായ
ആൻറി ഓക്സിഡൻറ്, ആൻറി ഇൻഫ്ലമേറ്ററി ഗുണങ്ങൾ അടങ്ങിയ ഇഞ്ചി ചായ കുടിക്കുന്നതും ദഹന പ്രശ്നങ്ങളെ തടയാനും കുടലിൻറെ ആരോഗ്യം സംരക്ഷിക്കാനും സഹായിക്കും.
- മഞ്ഞൾ വെള്ളം
ആൻറി വൈറൽ, ആൻറി ബാക്ടീരിയൽ ഗുണങ്ങൾ അടങ്ങിയ മഞ്ഞൾ വെള്ളം ഡയറ്റിൽ ഉൾപ്പെടുത്തുന്നത് വയർ വീർത്തിരിക്കുന്ന അസ്ഥയെ തടയാനും ദഹനം മെച്ചപ്പെടുത്താനും കുടലിൻറെ ആരോഗ്യം സംരക്ഷിക്കാനും സഹായിക്കും.
- പെരുംജീരകം ചായ
പെരുംജീരകത്തിൽ ഫൈബർ ധാരാളം അടങ്ങിയിട്ടുണ്ട്. ഇവ ദഹനം മെച്ചപ്പെടുത്താനും ഗ്യാസ് മൂലം വയറു വീർക്കുന്ന അവസ്ഥയെ തടയാനും കുടലിൻറെ ആരോഗ്യം സംരക്ഷിക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തിൽ മാറ്റം വരുത്തുക.
