ഭോപ്പാൽ: മധ്യപ്രദേശിലെ ജബൽപുർ ആസ്ഥനമായുള്ള വെസ്റ്റ് സെൻട്രൽ റെയിൽവേയിൽ വൻ തൊഴിലവസരം. വിവിധ ട്രേഡുകളിലേക്കായി 3,317 അപ്രൻ്റീസ് ഒഴിവുകളാണുള്ളത്. താൽപ്പര്യവും യോഗ്യതയുമുള്ള ഉദ്യോഗാർഥികൾ ഓൺലൈൻ മുഖേനെ അപേക്ഷ സമർപ്പിക്കണം. ഐടിഐക്കാർക്കാണ് അവസരം. wcr.indianrailways.gov.in എന്ന സൈറ്റ് വഴി അപേക്ഷ സമർപ്പിക്കാം. അപേക്ഷ സമർപ്പിക്കേണ്ട അവസാന തീയതി സെപ്റ്റംബർ നാല് ആണ്.
3, 317 ഒഴിവുകളിൽ 1,262 ഒഴിവുകൾ ജെബിപി ഡിവിഷനും 824 ബിപിഎൽ ഡിവിഷനും 832 കോട്ട ഡിവിഷനും 175 സിആർഡബ്ല്യുഎസ് ബിപിഎല്ലും 196 ഡബ്ല്യുആർഎസ് കോട്ട ഡിവിഷിനുകളിലാണ് അനുവദിച്ചിരിക്കുന്നത്. താൽപ്പര്യമുള്ള ഉദ്യോഗാർഥികൾക്ക് ഔദ്യോഗിക വെബ്സൈറ്റ് വഴി അപേക്ഷിക്കാം. ഉദ്യോഗാർഥികൾ ബന്ധപ്പെട്ട മേഖലയിൽ ഐടിഐ യോഗ്യത നേടിയിരിക്കണം.
ഉദ്യോഗാർഥികൾ പതിനഞ്ചിനും 24നും ഇടയിൽ പ്രായമുള്ളവരായിരിക്കണം. എസ് സി – എസ്ടി വിഭാഗക്കാര്‍ക്ക് അഞ്ചുവര്‍ഷത്തെയും ഒബിസിക്കാര്‍ക്ക് മൂന്നുവര്‍ഷത്തെയും ഇളവ് ലഭിക്കും. വിമുക്തഭടന്‍മാര്‍ക്ക് 10 വര്‍ഷത്തെ ഇളവുണ്ട്. അപ്രൻ്റീസ്ഷിപ്പിന് യോഗ്യത നേടുന്നതിന് അപേക്ഷകർ ബന്ധപ്പെട്ട ട്രേഡിൽ ഐടിഐ പൂർത്തിയാക്കിയിരിക്കണം. വനിതകള്‍ക്കും എസ് സി, എസ്ടി വിഭാഗക്കാര്‍ക്കും ഭിന്നശേഷിക്കാര്‍ക്കും 41 രൂപയാണ് അപേക്ഷാ ഫീസ്. മറ്റുള്ളവര്‍ക്ക് 141 രൂപയാണ്. ഫീസ് ഓൺലൈനായി അടയ്ക്കണം. അപേക്ഷാ ഫീസ് തിരികെ ലഭിക്കില്ല.
അപേക്ഷ സമർപ്പിക്കേണ്ടത് ഇങ്ങനെ
- ഔദ്യോഗിക വെബ്സൈറ്റായ wcr.indianrailways.gov.in തുറക്കുക.
- ആപ്ലിക്കേഷൻ ലിങ്ക് ആക്‌സസ് ചെയ്യുക, ഇടത് സൈഡ്‌ബാറിൽ കാണുന്ന “2024 – 2025 ലെ ആക്‌ട് അപ്രൻ്റീസ്‌മാരുടെ എൻഗേജ്‌മെൻ്റ്” ലിങ്കിൽ ക്ലിക്ക് ചെയ്യുക.
- രജിസ്റ്റർ ചെയ്യുക, ഇവിടെ പുതിയ വെബ്‌പേജിൽ രജിസ്ട്രേഷൻ പ്രക്രിയ പൂർത്തിയാക്കണം.
- അപേക്ഷാ ഫോം പൂരിപ്പിക്കണം. ലോഗിൻ ചെയ്ത് ആവശ്യമായ വിശദാംശങ്ങളുള്ള അപേക്ഷാ ഫോം പൂരിപ്പിക്കണം.
- സർട്ടിഫിക്കറ്റുകൾ അപ്‌ലോഡ് ചെയ്യുകയും മാർഗ നിർദേശങ്ങൾ അനുസരിച്ച് ആവശ്യമായ രേഖകൾ അപ്‌ലോഡ് ചെയ്യുകയും വേണം.
- അപേക്ഷാ ഫീസ് അടയ്ക്കുക. (ഓൺലൈൻ രീതിയിൽ).
- അപേക്ഷ സബ്മിറ്റ് ചെയ്ത ശേഷം ഭാവി റഫറൻസിനായി പകർപ്പ് ഡൗൺലോഡ് ചെയ്ത് സൂക്ഷിക്കണം.
പത്താം ക്ലാസ് മാർക്ക് ഷീറ്റ്, പത്താം ക്ലാസ് പാസായ സർട്ടിഫിക്കറ്റ്, പന്ത്രണ്ടാം ക്ലാസ് മാർക്ക് ഷീറ്റ്, ജാതി തെളിയിക്കുന്ന സർട്ടിഫിക്കറ്റ്, ഐടിഐ സർട്ടിഫിക്കറ്റും മാർക്ക്ഷീറ്റും എന്നിവയാണ് അപേക്ഷ സമർക്കുന്ന ഘട്ടത്തിൽ വേണ്ട രേഖകൾ. പത്താംക്ലാസ്, ഐടിഐ പരീക്ഷകളിലെ മാർക്കിൻ്റെ അടിസ്ഥാനത്തിലായിരിക്കും തെരഞ്ഞെടുപ്പ് നടപടികൾ. ഉദ്യോഗാർഥിയുടെ ഫോട്ടോയും ഒപ്പും സര്‍ട്ടിഫിക്കറ്റുകളുടെ പകര്‍പ്പും വിജ്ഞാപനത്തില്‍ നിര്‍ദേശിച്ചിട്ടുള്ള മാതൃകയില്‍ അപേക്ഷയ്‌ക്കൊപ്പം സമർപ്പിക്കണം. മെറിറ്റ് ലിസ്റ്റ് പ്രഖ്യാപനത്തിന് ശേഷം സർട്ടിഫിക്കറ്റ് പരിശോധനയും തുടർന്ന് വൈദ്യപരിശോധനയും ഉണ്ടാകും.
Poli