നമ്മള്‍ ഗ്യാസ് സ്റ്റൗ ഉപയോഗിക്കുമ്പോള്‍ കറയും എണ്ണയും ഭക്ഷണ അവശിഷ്ടങ്ങളുമൊക്കെ വീണ് പലപ്പോഴും ഇത് വൃത്തികേടായി കാണപ്പെടാറുണ്ട്. എത്ര തേച്ചു നോക്കിയാലും ഇത് നീക്കം ചെയ്യാന്‍ ബുദ്ധിമുട്ടായിരിക്കും. എന്നാല്‍ ചില പൊടിക്കൈകള്‍ പ്രയോഗിച്ചാല്‍ ഇവ നമുക്ക് പുത്തനെപ്പോലെ ആക്കിയെടുക്കാം.
പാത്രം കഴുകുന്ന സോപ്പും വെള്ളവും, ഒരു ബ്രഷ്, പഴയ തുണി, സ്പഞ്ച് തുടങ്ങിയവയാണ് ഗ്യാസ് സ്റ്റൗ വൃത്തിയാക്കാന്‍ പ്രധാനമായും വേണ്ടത്.
ആദ്യം സ്റ്റൗടോപ്പില്‍ നിന്ന് ഗ്രേറ്റുകളും ബര്‍ണറുകളും നീക്കം ചെയ്തുകൊണ്ട് ആരംഭിക്കുക. ഈ ഘട്ടത്തില്‍ ഏതെങ്കിലും ഉണങ്ങിയ അവശിഷ്ടങ്ങള്‍ ഉണ്ടെങ്കില്‍ തുടച്ചുനീക്കുക, സ്‌ക്രബ് ചെയ്യരുത്. ഏതാനും തുള്ളി ഡിഷ് സോപ്പ് ചേര്‍ത്ത് ഗ്രേറ്റുകളും ബര്‍ണറും സോപ്പ് വെള്ളത്തില്‍ മുക്കി വയ്ക്കുക. ബര്‍ണറുകളുടെ ഫ്യുവല്‍ പോര്‍ട്ടുകള്‍ അടഞ്ഞുപോയോ എന്ന് നോക്കുക. ആണെങ്കില്‍, അവ വൃത്തിയാക്കാനും തുറക്കാനും ബ്രഷ് ഉപയോഗിക്കുക. അടഞ്ഞുകിടക്കുന്ന ബര്‍ണറുകള്‍ അടുക്കളയില്‍ അപകടമുണ്ടാക്കുന്നു, അതിനാല്‍ ഇത് ചെയ്യേണ്ടത് വളരെ പ്രധാനമാണ്. ഇനി സ്റ്റൗടോപ്പ് വൃത്തിയാക്കാനുള്ള സമയം! ഏതാനും തുള്ളി ഡിഷ് സോപ്പില്‍ മുക്കിയ സ്പഞ്ചിന്റെ വശം ഉപയോഗിച്ച് ഇത് വൃത്തിയാക്കുക. ഇനി ഇത് വെള്ളം ഉപയോഗിച്ച് വൃത്തിയാക്കണം. ശേഷം ഒരു തുണി ഉപയോഗിച്ച് തുടയ്ക്കുക.
മറ്റ് എളുപ്പവഴികള്‍
നിങ്ങളുടെ ഗ്യാസ് സ്റ്റൗവില്‍ സോപ്പ് വെള്ളവും വൈപ്പുകളും പ്രവര്‍ത്തിക്കുന്നില്ലെങ്കില്‍, അവശിഷ്ടങ്ങള്‍ എന്നിട്ടും അവിടെ തന്നെ ഉണ്ടെങ്കില്‍, ഗ്യാസ് സ്റ്റൗ വൃത്തിയാക്കാനുള്ള മറ്റ് 7 വഴികള്‍ ഇതാ.
- അമോണിയ
കുറച്ച് അമോണിയ വാങ്ങി ബര്‍ണറുകളും ഗ്രേറ്റുകളും രാത്രി മുഴുവന്‍ സിപ്പ് ലോക്ക് ബാഗുകളില്‍ ഇട്ട് സീല്‍ ചെയ്യുക. പിറ്റേന്ന് രാവിലെ, അവ വെള്ളത്തില്‍ കഴുകി അവശിഷ്ടങ്ങള്‍ എളുപ്പത്തില്‍ നീങ്ങുന്നത് കാണാം. - ബേക്കിംഗ് സോഡയും ഹൈഡ്രജന്‍ പെറോക്‌സൈഡും
സ്റ്റൗവില്‍ പറ്റിപ്പിടിച്ചിരിക്കുന്ന ഗ്രീസ് കറകള്‍ നീക്കാന്‍ കുറച്ച് ബേക്കിംഗ് സോഡയും ഹൈഡ്രജന്‍ പെറോക്‌സൈഡും ചേര്‍ത്ത് നിങ്ങളുടെ സ്റ്റൗടോപ്പില്‍ വയ്ക്കുക. പ്രവര്‍ത്തിക്കാന്‍ കുറച്ച് സമയം നല്‍കുക. അതിന് ശേഷം തുടച്ചാല്‍ ഏത് പാടുകളും കറകളും നീങ്ങുന്നതായി കാണാം. ശേഷം വെള്ളം കൊണ്ട് തുടച്ച ശേഷം ഉണങ്ങിയ ഒരു തുണി കൊണ്ട് തുടച്ചെടുക്കാം. - തിളച്ച വെള്ളം
നിങ്ങള്‍ക്ക് വീട്ടില്‍ കെമിക്കല്‍ രഹിത ബദലുകളൊന്നും ഇല്ലെങ്കില്‍, ഈ വിദ്യ പരീക്ഷിക്കുക. ഒരു പാത്രത്തില്‍ വെള്ളം തിളപ്പിക്കുക. ഇത് കറകള്‍ ഉള്ള ഭാഗങ്ങളില്‍ ഒഴിച്ച് ഒരു സ്പഞ്ച്, ഏതാനും തുള്ളി ലിക്വിഡ് സോപ്പ് എന്നിവ ഉപയോഗിച്ച് സ്‌ക്രബ് ചെയ്യുക, കറ സ്വാഭാവികമായി അപ്രത്യക്ഷമാകുന്നത് കാണാം. - ഉപ്പും ബേക്കിംഗ് സോഡയും
ഒരു ടേബിള്‍ സ്പൂണ്‍ ഉപ്പും ഒരു ടേബിള്‍ സ്പൂണ്‍ ബേക്കിംഗ് സോഡയും എടുക്കുക. ഇവ യോജിപ്പിച്ച് വെള്ളം ചേര്‍ത്ത് നല്ല പേസ്റ്റ് ഉണ്ടാക്കുക. ഒരു തുണി എടുത്ത് ഈ പേസ്റ്റില്‍ മുക്കിവയ്ക്കുക. ഇത് ഉപയോഗിച്ച് സ്റ്റൗ ടോപ്പുകള്‍ വൃത്തിയാക്കുക, സ്‌ക്രബ് ചെയ്യുക, നന്നായി തുടയ്ക്കുക. - വൈറ്റ് വിനാഗിരി
വൈറ്റ് വിനാഗിരി ഒരു മികച്ച സ്റ്റൗടോപ്പ് ക്ലെന്‍സറാണ്, ഓരോ തവണയും ഇതിന് കൂടുതല്‍ ഫലപ്രദമായി പ്രവര്‍ത്തിക്കുന്നു. വിനാഗിരി അതിന്റെ ഇരട്ടി അളവില്‍ സാധാരണ വെള്ളത്തില്‍ കലര്‍ത്തുക. ഇത് ഉപയോഗിച്ച് സ്റ്റൗടോപ്പ് തുടയ്ക്കുക. വെളുത്ത വിനാഗിരി അസിഡിറ്റി ഉള്ളതാണ്, ഇത് കണങ്ങളെ അയവുള്ളതാക്കുകയും അവ എളുപ്പത്തില്‍ പുറത്തുവരാന്‍ സഹായിക്കുകയും ചെയ്യുന്നു. - ഡിഷ് സോപ്പും ബേക്കിംഗ് സോഡയും
ബേക്കിംഗ് സോഡയും ഡിഷ് സോപ്പും തുല്യ ഭാഗങ്ങളില്‍ ഒരുമിച്ച് ചേര്‍ക്കുക. ചെറുതായി നുരയുന്ന പേസ്റ്റ് ലഭിക്കുന്നത് വരെ ഇളക്കുക. ഈ മിശ്രിതം ഡ്രിപ്പ് പാനുകളില്‍ പുരട്ടി ഒരു മണിക്കൂര്‍ സിപ്ലോക്ക് ബാഗുകളില്‍ വയ്ക്കുക. സ്‌ക്രബ് ചെയ്ത് പാത്രങ്ങള്‍ തിരികെ വയ്ക്കുക. ചുരുങ്ങിയ സമയത്തിനുള്ളില്‍ അവ വൃത്തിയുള്ളതായി മാറും. - ബേക്കിംഗ് സോഡയും നാരങ്ങയും
പ്രകൃതിദത്ത അണുനാശിനിയായി പ്രവര്‍ത്തിക്കുന്ന നാരങ്ങയ്ക്ക് ആന്റി ബാക്ടീരിയല്‍ ഗുണങ്ങള്‍ ഉള്ളപ്പോള്‍ ബേക്കിംഗ് സോഡ കഠിനമായ കറ നീക്കം ചെയ്യാന്‍ സഹായിക്കുന്നു. നിങ്ങള്‍ ഇവ രണ്ടും സംയോജിപ്പിക്കുമ്പോള്‍, ഏറ്റവും കടുത്ത കറകളും പാടുകളും പോലും നീക്കം ചെയ്യാന്‍ തക്ക വിധം ഇത് അത്ഭുതങ്ങള്‍ സൃഷ്ടിക്കുന്നു. ഈ പരിഹാരം ഗ്ലാസ് സ്റ്റൗടോപ്പുകളില്‍ പ്രശ്‌നം ഉണ്ടാക്കുകയുമില്ല. ഉപരിതലത്തില്‍ ഒരു പിടി ബേക്കിംഗ് സോഡ ചേര്‍ത്ത് ഒരു നാരങ്ങ കഷ്ണം ഉപയോഗിച്ച് മുകളില്‍ വൃത്തിയാക്കിയാല്‍ മതി. പാടുകള്‍ നീക്കം ചെയ്യപ്പെട്ട ശേഷം സ്റ്റൗ തുടയ്ക്കാന്‍ ഒരു നനഞ്ഞ തുണി ഉപയോഗിക്കുക.
