Advertisement
കുറച്ചാളുകള്‍ കൂടുന്നിടത്ത് സംസാരിക്കാന്‍ പലര്‍ക്കും ഭയമാണ്. ഈ ഭയം മാറ്റാന്‍ ചില പൊടിക്കൈകളുണ്ട്.
- സ്വയം മനസിലാക്കേണ്ടത് അത്യാവശ്യമാണ്. നമ്മളെന്താണെന്ന് ഒരു ബോധം നമുക്ക് വേണം. നിങ്ങളുടെ ശക്തി വിശകലനം ചെയ്യുകയും അവ പരമാവധി വര്‍ദ്ധിപ്പിക്കാന്‍ ശ്രമിക്കുകയും വേണം. നിങ്ങളുടെ ബലഹീനതകള്‍ വിശകലനം ചെയ്യുകയും അത് നിയന്ത്രിക്കാന്‍ ശ്രമിക്കുകയും ചെയ്യണം.
- വ്യക്തമായി ആശയവിനിമയം നടത്തുക. അതാണ് ഒരു വേദിയില്‍ സംസാരിക്കുമ്പോള്‍ അത്യാവശ്യമായി വേണ്ടത്.
- നിരന്തരം തയ്യാറെടുപ്പുകള്‍ നടത്തണം.
- നിങ്ങളുടെ കേള്‍വിക്കാരെ അറിയണം. അവര്‍ ഏത് രീതിയില്‍ ഉള്ളവരാണ് എന്നൊക്കെ പ്രായത്തിന്റെയും വിഷയത്തിന്റെയുമൊക്കെ അടിസ്ഥാനത്തില്‍ മനസിലാക്കണം.
- പ്രസംഗം ഏകദേശം 20 മുതല്‍ 25 മിനിറ്റ് വരെ ദൈര്‍ഘ്യമുള്ളതായിരിക്കണം. അതിലധികമോ അതില്‍ കുറവോ ആണെങ്കില്‍ ആ പ്രസംഗം ആളുകളില്‍ യാതൊരു സ്വാധീനവും ചെലുത്തില്ല.
- ശ്രോതാക്കളുടെ മനസില്‍ ഇടം നേടണം. അതിന് ശ്രോതാവിന് പരിചിതമായ ഹ്രസ്വ വാക്കുകള്‍ ഉപയോഗിക്കുക. നിങ്ങളുടെ സ്വന്തം വാക്കുകള്‍ ഉപയോഗിക്കുവാന്‍ ശ്രമിക്കുക.
- പ്രസംഗത്തിന്റെ ബോഡിയിലാണ് അതിന്റെ പ്രമേയം ഉള്‍ക്കൊള്ളുന്നത്. അതിനാല്‍ ശ്രോതാക്കള്‍ക്ക് യുക്തിസഹമായ വിവരങ്ങള്‍ നല്‍കാന്‍ ശ്രമിക്കണം.
- വളരെ വ്യക്തമായി തന്നെ ലളിതമായി പ്രസംഗം അവസാനിപ്പിക്കാം.
Advertisement
