മുഖത്ത് പ്രായക്കൂടുതൽ തോന്നിതാരിക്കാനും ചർമ്മം സംരക്ഷിക്കാനും ഭക്ഷണത്തിൻറെ കാര്യത്തിൽ ഏറെ ശ്രദ്ധ വേണം. ചർമ്മത്തിൻറെ ആരോഗ്യത്തിനായി പഞ്ചസാര അടങ്ങിയ ഭക്ഷണങ്ങൾ പരമാവധി ഡയറ്റിൽ നിന്നും ഒഴിവാക്കുക. പഞ്ചസാരയുടെ അമിത ഉപയോഗം ചർമ്മത്തിൽ ചുളിവുകൾ ഉണ്ടാകാനും പ്രായക്കൂടുതൽ തോന്നാനും കാരണമാകും. അതുപോലെ തന്നെ അമിതമായ ഉപ്പിൻറെ ഉപയോഗവും മുഖത്ത് പ്രായക്കൂടുതൽ തോന്നാൻ കാരണമാകും.
അമിതമായി കൊഴുപ്പ് അടങ്ങിയ ഭക്ഷണങ്ങൾ കഴിക്കുന്നതും ചർമ്മത്തെ മോശമാക്കുകയും മുഖത്ത് പ്രായം തോന്നിക്കാൻ കാരണമാവുകയും ചെയ്യും. അതുപോലെ തന്നെ സോസേജ്, ഹോട്ട് ഡോഗ്സ് പോലെയുള്ള പ്രോസസിഡ് ഭക്ഷണങ്ങൾ അഥവാ സംസ്കരിച്ച ഭക്ഷണങ്ങളും അമിതമായി കഴിക്കുന്നത് ചർമ്മത്തിൻറെ ആരോഗ്യത്തിന് നല്ലതല്ല. ഇവ കൊളാജൻ ഉൽപാദത്തെ കുറയ്ക്കുകയും മുഖത്ത് ചുളിവുകൾ വരുത്തുകയും ചെയ്യും. റെഡ് മീറ്റിൻറെ അമിത ഉപയോഗവും ചർമ്മത്തിന് നന്നല്ല.
എണ്ണയിൽ പൊരിച്ച ഭക്ഷണങ്ങളിൽ അനാരോഗ്യകരമായ കൊഴുപ്പുകൾ അടങ്ങിയിട്ടുണ്ട്. ഇവയും ചർമ്മത്ത് ചുളിവുകൾ വരുത്താൻ കാരണമാകും. അതിനാൽ എണ്ണയിൽ പൊരിച്ചതും വറുത്തതുമായ ഭക്ഷണങ്ങളും ഡയറ്റിൽ നിന്നും ഒഴിവാക്കുന്നതാണ് ചർമ്മത്തിൻറെ ആരോഗ്യത്തിന് നല്ലത്. എരുവുള്ള ഭക്ഷണങ്ങളുടെ അമിത ഉപയോഗവും ചർമ്മത്തിന് നന്നല്ല. വളരെയധികം കലോറി അടങ്ങിയ ജങ്ക് ഫുഡ് കഴിക്കുന്നതും ചർമ്മത്തിൻറെ ആരോഗ്യം മോശമാക്കും. അമിത മദ്യപാനവും ചർമ്മത്തിൽ ചുളിവുകൾ വീഴാനും മുഖത്ത് പ്രായക്കൂടുതൽ തോന്നിക്കാനും കാരണമാകും. അതിനാൽ മദ്യപാനം പരമാവധി ഒഴിവാക്കുക.
