Advertisement
അഷ്ടമുടി കായലില്‍ ഓളപ്പരപ്പിലെ ജലരാജക്കന്മാരുടെ പോരാട്ടത്തില്‍ വീയപുരം ചുണ്ടന് കിരീടം. ഒന്‍പതാമത് പ്രസിഡന്റ്സ് ട്രോഫി ജലോത്സവത്തിനും മൂന്നാം എഡിഷന്‍ ചാമ്പ്യന്‍സ് ബോട്ട് ലീഗിലും(സി.ബി.എല്‍) ഇതോടെ വീയപുരം ചുണ്ടന് ജേതാവായി. ഫൈനല്‍ മത്സരത്തില്‍ ഒന്‍പത് ചുണ്ടന് വള്ളങ്ങളാണ് സിബിഎല്ലില്‍ പങ്കെടുത്തത്. ആവേശം വാനോളമുയര്‍ന്ന പ്രസിഡന്റ്സ് ട്രോഫി ഫൈനലിലെ ഇഞ്ചോടിഞ്ച് പോരാട്ടത്തില്‍ പോലീസ് ബോട്ട് ക്ലബ്ബിന്റെ മഹാദേവിക്കാടിനെ പള്ളാത്തുരുത്തി ബോട്ട് ക്ലബ്ബിന്റെ വീയപുരം ചുണ്ടന് മറികടക്കുകയായിരുന്നു. തെക്കനോടി വനിത ഫൈനലില്‍ ദേവാസും ഇരുട്ടുകുത്തി എ ഗ്രേഡ് വള്ളങ്ങളുടെ മത്സരത്തില്‍ മൂന്ന് തെക്കനും ഇരുട്ട് കുത്തി ബി ഗ്രേഡ് വള്ളങ്ങളുടെ വിഭാഗത്തില്‍ ഡാനിയേലും ഒന്നാമതെത്തി.
Advertisement
