Advertisement
കൊല്ലം: മുഖ്യമന്ത്രി പിണറായി വിജയന്റെ നേതൃത്വത്തില്‍ ജില്ലയില്‍ നടക്കുന്ന നവകേരള സദസ്സ് വാഹനയാത്രയ്ക്കിടെ ബിജെപി-യുവമോര്‍ച്ച പ്രവര്‍ത്തകര്‍ കരിങ്കോടി പ്രതിഷേധം നടത്തി. കല്ലുംതാഴം എസ്‌വി ടാക്കിസ് ജങ്ഷനില്‍ പ്രതിഷേധവുമായി എത്തിയ യുവമോര്‍ച്ച പ്രവര്‍ത്തകര്‍ക്ക് നേരെ ഡിവൈഎഫ്‌ഐ പ്രവര്‍ത്തകര്‍ എത്തിയതോടെ സ്ഥലത്ത് സംഘര്‍ഷാവസ്ഥ രൂപപ്പെട്ടു. മുഖ്യമന്ത്രിയുടെ വാഹനവ്യൂഹം കടന്ന് പോയതിന് പിന്നാലെ ഇരുകൂട്ടരും തമ്മില്‍ ഏറ്റുമുട്ടുകയായിരുന്നു. പോലീസുകാര്‍ നോക്കി നില്‍ക്കെയാണ് അക്രമം നടന്നത്. സംഭവത്തില്‍ മൂന്ന് യുവമോര്‍ച്ച പ്രവര്‍ത്തകരെ ഈസ്റ്റ് പോലീസ് അറസ്റ്റ് ചെയ്തു. യുവമോര്‍ച്ച നേതാക്കളായ ഷിജിന്‍, ബിനോയ് മാത്യൂസ്, ഗണേശ് എന്നിവരാണ് അറസ്റ്റിലായത്.
Advertisement
