Advertisement
പൂക്കോട്ട് വെറ്ററിനറി സര്‍വകലാശാല വിദ്യാര്‍ത്ഥി സിദ്ധാര്‍ത്ഥനെ വിചാരണ നടത്തി ക്രൂരമായി കൊലപ്പെടുത്തിയ സംഭവത്തില്‍ പ്രതികളുമായി തെളിവെടുപ്പ്. അറസ്റ്റിലായ എസ്എഫ്‌ഐ പ്രവര്‍ത്തകരുമായി കോളജ് ഹോസ്റ്റലിലാണ് പോലീസ് തെളിവെടുപ്പ് നടത്തിയത്. മര്‍ദിക്കാന്‍ ഉപയോഗിച്ച വയറുകളും ഗ്ലൂഗണ്ണും ഒന്നാം പ്രതി സിന്‍ജോയുടെ സാന്നിധ്യത്തില്‍ കണ്ടെത്തി. കല്‍പ്പറ്റ ഡിവൈഎസ്പി ടി.എന്‍. സജീവന്റെ നേതൃത്വത്തിലുള്ള സംഘമാണ് ഹോസ്റ്റലില്‍ എത്തി തെളിവെടുപ്പ് നടത്തിയത്. സിദ്ധാര്‍ഥന് മര്‍ദനമേറ്റ ഹോസ്റ്റലിന്റെ നടുമുറ്റം, 21ാം നമ്പര്‍ മുറി, ഡോര്‍മിറ്ററി എന്നിവിടങ്ങളില്‍ തെളിവെടുപ്പ് നടത്തി.
Advertisement
