Advertisement
കൊച്ചി: കേരളത്തില്‍ ബലി പെരുന്നാള്‍ ജൂണ്‍ 17ന്. കാപ്പാട് കടപ്പുറത്ത് ഇന്ന് മാസപ്പിറവി ദൃശ്യമായതിന്റെ അടിസ്ഥാനത്തില്‍ കേരളത്തില്‍ നാളെ ദുല്‍ ഹിജ്ജ ഒന്നായിരിക്കുമെന്ന് സംയുക്ത മഹല്ല് ജമാഅത്ത് ഖാസിമാരായ കാന്തപുരം എ.പി. അബൂബക്കര്‍ മുസ്ലിയാര്‍, സയ്യിദ് ഇബ്‌റാഹിം ഖലീലുല്‍ ബുഖാരി എന്നിവര്‍ അറിയിച്ചു.
ഗള്‍ഫ് രാജ്യമായ ഒമാനിലും ജൂണ്‍ 17 തിങ്കളാഴ്ചയാണ് ബലിപെരുന്നാള്‍. ഒമാന്‍ ഒഴികെയുള്ള ഗള്‍ഫ് രാജ്യങ്ങളില്‍ ജൂണ്‍ 16നാണ് ബലിപെരുന്നാള്‍. സൗദിയില്‍ മാസപ്പിറവി ദൃശ്യമായതിനെ തുടര്‍ന്ന് അറഫാ ദിനം ഈ മാസം 15ന് ശനിയാഴ്ച്ചയും ബലിപെരുന്നാള്‍ 16ന് ഞായറാഴ്ചയും ആയിരിക്കുമെന്ന് അധികൃതര്‍ അറിയിച്ചു.
Advertisement
