കുണ്ടറ ഇരട്ടകൊലപാതക കേസിൽ പ്രതി പിടിയിൽ. പടപ്പക്കര സ്വദേശി അഖിലാണ് പിടിയിലായത്. ശ്രീനഗറിൽ നിന്നുമാണ് അഖിലിനെ പിടികൂടിയത്. അമ്മയേയും മുത്തച്ഛനെയുമാണ് അഖിൽ കൊലപ്പെടുത്തിയത്. കൃത്യം നടന്ന് നാല് മാസത്തിന് ശേഷമാണ് പ്രതി പിടിയിലാകുന്നത്.
അമ്മയെ അതി ക്രൂരമായി കൊലപ്പെടുത്തിയ ശേഷം രക്ഷപെട്ട മകനെ കണ്ടെത്താൻ കുണ്ടറ പൊലീസ് ലുക്ക് ഔട്ട് നോട്ടീസ് ഇറക്കിയിരുന്നു. കുണ്ടറ പടപ്പക്കര സ്വദേശി പുഷ്പലതയെയാണ് വീട്ടിൽ വച്ച് മകൻ അഖിൽ കുമാർ ചുറ്റികയും കൂർത്ത ഉളിയും കൊണ്ട് അടിച്ച് അതി ക്രൂരമായി കൊലപ്പെടുത്തിയത്.
പ്രതിയുടെ ആക്രമണത്തിൽ പുഷ്പലതയുടെ പിതാവും കൊല്ലപ്പെട്ടിരുന്നു. ഇടയ്ക്ക് ഇന്ത്യയിലാകെ യാത്രചെയ്യാറുള്ള അഖിൽ കേരളം വിട്ടു പോയിട്ടുണ്ടാകുമെന്ന പൊലീസിന്റെ നിഗമനം ശെരിവയ്ക്കുന്നതായി ജമ്മു കാശ്മീരിൽ നിന്ന് പ്രതിയെ പിടികൂടിയത്. അഖിലിനായി പൊലീസ് സംസ്ഥാനത്തിനകത്തും പുറത്തും അന്വേഷണം വ്യാപിപ്പിച്ചിരുന്നു. പണം ചോദിച്ചിട്ട് നൽകാത്തതിന്റെ പേരിലാണ് ലഹരിക്കടിമയായ അഖിൽ അമ്മയെക്കൊലപ്പെടുത്തിയത് എന്നാണ് പൊലീസ് പറയുന്നത്. ആക്രമണം തടഞ്ഞ പുഷ്പലതയുടെ പിതാവും പ്രതിയുടെ ആക്രമണത്തിൽ പരിക്കേറ്റ് ചികിത്സയിലിരിക്കെ മരണപ്പെടുകയായിരുന്നു.
