കെ പോപ് ഗായിക നഹീയെ മരിച്ച നിലയില്‍ കണ്ടെത്തി… താരത്തിന്റെ അവസാനത്തെ ഇന്‍സ്റ്റഗ്രാം പോസ്റ്റും വൈറലാവുകയാണ്
കെ പോപ് ഗായിക നഹീ (24)യെ മരിച്ച നിലയില്‍ കണ്ടെത്തി. ബുധനാഴ്ചയാണ് നഹീ വിടപറഞ്ഞത്. വെള്ളിയാഴ്ചയാണ് ഗായികയുടെ അടുത്തവൃത്തങ്ങളാണ് മരണവിവരം ഔദ്യോഗികമായി അറിയിച്ചത്. താരത്തിന്റെ അപ്രതീക്ഷിത മരണത്തിന്റെ കാരണം പുറത്തുവിട്ടിട്ടില്ല. നഹീയുടെ കുടുംബമോ ഏജന്‍സിയോ ഇക്കാര്യത്തില്‍ ഇതുവരെ പ്രതികരിക്കാന്‍ തയ്യാറായിട്ടില്ല. ഗായികയുടെ അപ്രതീക്ഷിത വിയോഗം ആരാധകരെ ഞെട്ടിച്ചിരിക്കുകയാണ്. താരത്തിന്റെ അവസാനത്തെ ഇന്‍സ്റ്റഗ്രാം പോസ്റ്റും വൈറലാവുകയാണ്. മരിക്കുന്നതിന് മണിക്കൂറുകള്‍ക്ക് മുന്‍പാണ് പോസ്റ്റിട്ടിരിക്കുന്നത്. തന്റെ സെല്‍ഫിയും ട്രെയിന്‍ യാത്രയ്ക്കിടെ പകര്‍ത്തിയ സൂര്യാസ്തമയത്തിന്റെ ദൃശ്യങ്ങളും തന്റെ വളര്‍ത്തു നായയുമെല്ലാമാണ് പോസ്റ്റിലുള്ളത്. നിരവധി ആരാധകരാണ് പോസ്റ്റിന് താഴെ കമന്റുമായി എത്തുന്നത്.
ഗായിക എന്ന നിലയില്‍ മാത്രമല്ല ഗാനരചയിതാവും നഹീ ശ്രദ്ധനേടി. ‘ബ്ലൂ സിറ്റി’ എന്ന സോളോയിലൂടെ പ്രശസ്തിയിലേക്കുയര്‍ന്നു. ‘ബ്ലൂ നൈറ്റ്’, ‘ഗ്ലൂമി ഡേയ്സ്’ തുടങ്ങിയവയാണ് മറ്റു പ്രധാന ആല്‍ബങ്ങള്‍.
