വാഷിങ്ടൺ: യാത്രക്കാരുടെ തലമുടിയിലൂടെ പേൻ ഇഴയുന്നത് കണ്ടതിനെ തുടർന്ന് വിമാനം അടിയന്തരമായി ഇറക്കി. അമേരിക്കയിൽ ആണ് സംഭവം നടന്നത്. ലൊസാഞ്ചലസിൽ നിന്നും ന്യൂയോർക്കിലേക്ക് പോകുന്ന വിമാനം ആണ് തിരിച്ചിറക്കിയത്. അമേരിക്കൻ എയർലൈൻസിന്റെ 2201 വിമാനമാണ് അടിയന്തരമായി ഫീനിക്സിൽ ഇറക്കിയത്. ഏതൻ ജുഡൽസൻ എന്ന യാത്രക്കാരിയാണ് വിമാനത്തിലുണ്ടായ അനുഭവം സോഷ്യൽ മീഡിയ വഴി പങ്കുവെച്ചത്.
വിമാനത്തിലെ അധികൃതർ കൃത്യമായി യാത്രക്കാരോട് വിവരങ്ങൾ അറിയിക്കാത്തത് യാത്രക്കാർക്കിടയിൽ വലിയ ആശങ്കയാണ് ഉണ്ടാക്കിയത്. ന്യൂയോർക്കിലേക്ക് പോവേണ്ട വിമാനമാണ് അടിയന്തരമായി ഇറക്കിയത്. സഹയാത്രക്കാരായ രണ്ടുപേരാണ് യുവതിയുടെ തലമുടിയിലൂടെ പേൻ ഇഴയുന്നത് കണ്ടത്. ഇവർ ആണ് ക്രൂവിനെ വിവരം അറിയിച്ചത്. ഉടൻ തന്നെ വിമാനം ലാൻഡ് ചെയ്യാൻ തീരുമാനിക്കുകയായിരുന്നു. വിമാനം 12 മണിക്കൂർ വെെകുമെന്നും യാത്രക്കാർ വോണ്ടിയുള്ള താമസസൗകര്യം നൽകുമെന്നും ക്രൂ അറിയിക്കുകയായിരുന്നു.
യാത്രക്കാർക്ക് താമസ സൗകര്യം നൽകിയതിനെ കുറിച്ച് എയർലെെൻ അയച്ച ഇമെയിൽ സന്ദേശം കണ്ടപ്പോഴാണ് പലരും സംഭവം അറിയുന്നത്. പലർക്കും കാരണം അവ്യക്തമായിരുന്നു . ഒരു യാത്രക്കാരിക്ക് അടിയന്തര ചികിത്സ വേണ്ടി വന്നു അതിനാൽ ആണ് വിമാനം പകുതി യാത്ര അവസാനിപ്പിച്ച് ഇറങ്ങുന്നതെന്ന സന്ദേശം മാത്രമാണ് ലഭിച്ചത്. പിന്നീട് യാത്രക്കാർക്ക് ഇടയിൽ നടന്ന സംസാരത്തിലൂടെയാണ് വിമാനത്താവളത്തിലെ ഒരു യാത്രക്കാരിയുടെ തലയിൽ പേൻ കണ്ടതിന്റെ അടിസ്ഥാനത്തിലാണ് വിമാനം താഴെയിറക്കിയത് എന്ന് വ്യക്തമായത്.
അതേസമയം, അമിതമായി മദ്യപിച്ച യാത്രക്കാരനെ വിമാനത്തിൽ നിന്നും ഇറക്കിവിട്ടു. ശനിയാഴ്ച രാത്രി വിയറ്റ്നാമിലേക്കുള്ള വിമാനത്തിൽ നിന്നാണ് യാത്രക്കാരെ ഇറക്കിവിട്ടത്. വിമാനത്തിൽ യാത്ര ചെയ്യാനെത്തിയ ഹരിപ്പാട് സ്വദേശി സത്യ ബാബുവിനെയാണ് സുരക്ഷാ ഉദ്യോഗസ്ഥർ വിമാനത്തിൽ നിന്നും ഇറക്കിവിട്ടത്.
വിമാനത്തിൽ കയറിയ ഇദ്ദേഹം സീറ്റിലിരിക്കാൻ തയാറാകാതെ ബഹളം വെച്ചു. തുടർന്ന് യാത്രക്കാരുടെ പരാതിയെ തുടർന്നാണ് വിമാനത്തിൽ നിന്ന് ഇറങ്ങി പോകാൻ പെെലറ്റ് ആവശ്യപ്പെട്ടത്. തുടർന്ന് ഇറങ്ങാൻ തയ്യാറാകാത്ത ഇദ്ദേഹത്തെ സുരക്ഷാ ഉദ്യോഗസ്ഥർ പിടിച്ചിറക്കി പൊലീസിന് കെെമാറി. നടപടി ക്രമങ്ങൾ പൂർത്തിയാക്കി പിന്നീട് ഇദ്ദേഹത്തെ ജാമ്യത്തിൽ വിട്ടു. അമിതമായി മദ്യപിച്ചതാണ് ഇദ്ദേഹം വിമാനത്തിൽ പ്രശ്നമുണ്ടാക്കാൻ കാരണം
ആവശ്യമായ നടപടികൾ പൂർത്തിയാക്കി വിമാനം പറന്നു.
