മോസ്‌കോ: കാന്‍സറിനെതിരെ റഷ്യ വാക്സിന് വികസിപ്പിച്ചതായി റിപ്പോര്‍ട്ട്. എം ആര്‍ എന്‍ എ വാക്‌സിനാണ് റഷ്യ വികസിപ്പിച്ചത്. കാന്‍സര്‍ രോഗികളുടെ ചികിത്സയ്ക്കാണ് വാക്‌സിനെന്നും ട്യൂമര്‍ ഉണ്ടാവുന്നത് തടയാനല്ലെന്നുമാണ് റിപ്പോര്‍ട്ട്. ട്യൂമര്‍ കോശങ്ങള്‍ വികസിക്കുന്നതും വ്യാപിക്കുന്നതും തടയാന്‍ വാക്സിന് സാധിക്കുന്നതായി പ്രീ ക്ലിനിക്കല്‍ ട്രയലുകളില്‍ തെളിഞ്ഞെന്നാണ് ലഭിക്കുന്ന വിവരം. നിരവധി ഗവേഷണ സ്ഥാപനങ്ങളുടെ സഹകരണത്തോടെയാണ് വാക്സിന് വികസിപ്പിച്ചിരിക്കുന്നത്.
റഷ്യന്‍ റിപ്പോര്‍ട്ടുകള്‍ പ്രകാരം 2025 ന്റെ തുടക്കത്തില്‍ വാക്സിന് പുറത്തിറക്കുമെന്നാണ് ആരോ?ഗ്യമന്ത്രാലയത്തിന്റെ റേഡിയോളജി മെഡിക്കല്‍ റിസര്‍ച്ച് സെന്റര്‍ മേധാവി ആന്‍ഡ്രി കാപ്രിന്‍ പറഞ്ഞത്. ഒരു ഡോസിന് 300,000 റൂബിള്‍സ് ( USD 2,869 ) ചെലവാണ് വരിക. റഷ്യക്കാര്‍ക്ക് സൗജന്യമായി നല്‍കുമെന്നും റിപ്പോര്‍ട്ടുകള്‍ പറയുന്നു.
‘ ഇപ്പോള്‍ ( വ്യക്തിഗത വാക്‌സിനുകള്‍ ) നിര്‍മിക്കാന്‍ വളരെ സമയമെടുക്കും. കാരണം ഒരു വാക്സിന് അല്ലെങ്കില്‍ ഇഷ്ടാനുസൃതമാക്കിയ എം ആര്‍ എന്‍ എ ഉപയോഗിച്ചുള്ള കമ്പ്യൂട്ടിം?ഗ് , ?ഗണിത ശാസ്ത്രപരമായ മാട്രിക്‌സ് രീതികള്‍ ഉപയോ?ഗിക്കുന്നത് പോലെയായിരിക്കണം. ഞങ്ങള്‍ ഇവാനിക്കോവ് ഇന്‍സ്റ്റിറ്റ്യൂട്ടിനെ ഉള്‍പ്പെടുത്തിയിട്ടുണ്ട്. ഇത് ചെയ്യാന്‍ എ ഐയെ ആശ്രയിക്കും. അതായത് ന്യൂറല്‍ നെറ്റ് വര്‍ക്ക് കമ്പ്യൂട്ടിംഗ്, ഈ നടപടി ക്രമങ്ങള്‍ക്ക് ഏകദേശം അര മണിക്കൂര്‍ മുതല്‍ ഒരു മണിക്കൂര്‍ വരെ എടുക്കും, ‘ ഗമാലേയ നാഷണല്‍ റിസര്‍ച്ച് സെന്റര്‍ ഡയറക്ടര്‍ ( എപ്പിഡെമിയോളജി, മൈക്രോബയോളജി ) അലക്‌സാണ്ടര്‍ ഗിന്റ്‌സ്ബര്‍ഗ് പറഞ്ഞു. അതേ സമയം ഏത് തരത്തിലുള്ള കാന്‍സറിനാണ് വാക്സിന് ഉപയോഗിക്കുന്നത്, വാക്‌സിന്റെ ഫലപ്രാപ്തി, വിതരണം എന്നിവിയെക്കുറിച്ചുള്ള കൂടുതല്‍ വിശദാംശങ്ങള്‍ വ്യക്തമല്ല. 2022 ല്‍ 635, 000 ല്‍ അധികം കേസുകളാണ് റഷ്യയില്‍ രേഖപ്പെടുത്തിയത്. ഈ സാഹതര്യത്തിലാണ് വാക്സിന് കണ്ടുപിടിച്ചത്. റഷ്യക്കാര്‍ക്കിടയില്‍ ഏറ്റവും സാധാരണമായി കാണപ്പെടുന്നത് വന്‍കുടല്‍, സ്തന, ശ്വാസകോശ അര്‍ബുദങ്ങളാണെന്നാണ് റിപ്പോര്‍ട്ട്.