Advertisement
വീസ സേവനങ്ങള്‍ക്കായി ദുബായ് ഇന്റര്‍നാഷനല്‍ ഫിനാന്‍ഷ്യല്‍ സെന്ററില്‍ സ്മാര്‍ട് സലേമിന്റെ പ്രീമിയം മെഡിക്കല്‍ ഫിറ്റ്‌നസ് ടെസ്റ്റിങ് സെന്റര്‍ തുടങ്ങി.
പുതിയതായി ജോലിക്കെത്തുന്നവരുടെ വൈദ്യ പരിശോധന, ബയോമെട്രിക് വിവരങ്ങള്‍ രേഖപ്പെടുത്തല്‍ എന്നിവ മണിക്കൂറുകള്‍ക്ക് അകം പൂര്‍ത്തിയാക്കി എമിറേറ്റ്‌സ് ഐഡി ലഭിക്കുന്നതിനു സ്മാര്‍ട് സലേമിന്റെ സേവനം ഉപകരിക്കും. ഇന്ത്യ അടക്കം 150ല്‍ അധികം വിദേശ രാജ്യങ്ങളില്‍ നിന്നുള്ളവര്‍ ഡിഐഎഫ്‌സിയില്‍ ജോലി ചെയ്യുന്നുണ്ട്.
ജനറല്‍ ഡയറക്ടറേറ്റ് ഓഫ് റസിഡന്‍സി ആന്‍ഡ് ഫോറിനേഴ്‌സ് അഫേഴ്‌സ്, ഡിഐഎഫ്‌സി എന്നിവരുടെ സഹകരണത്തോടെയാണ് പുതിയ സ്ഥാപനം തുടങ്ങിയിരിക്കുന്നത്. പരിശോധനകള്‍ പൂര്‍ത്തിയാക്കുന്ന ദിവസമോ തൊട്ടടുത്ത ദിവസമോ എമിറേറ്റ്‌സ് ഐഡി ലഭ്യമാക്കുന്ന നിലയിലാണ് സ്മാര്‍ട് സലേം പ്രവര്‍ത്തിക്കുക.
Advertisement
