അമ്മയെ ചിരവ കൊണ്ട് അടിച്ച ശേഷം മകൻ തൂങ്ങി മരിച്ചു

Advertisement

കാസർകോട്: മടിക്കൈയിൽ അമ്മയെ ചിരവ കൊണ്ട് അടിച്ച ശേഷം മകൻ തൂങ്ങി മരിച്ചു.

19 വയസുള്ള സുജിത്താണ് ജീവനൊടുക്കിയത്. മടിക്കൈ ആലയി പട്ടുവക്കാരൻ വീട്ടിൽ സുധയുടെ തലയ്ക്ക് ചിരവ കൊണ്ട് അടിച്ച്‌ പരുക്കേൽപ്പിക്കുകയായിരുന്നു. ഞായറാഴ്ച രാത്രി പതിനൊന്നോടെയാണ് സംഭവം.

ചിരവ കൊണ്ട് അടിയേറ്റ സുധ ബോധം കെട്ട് വീണു. പിന്നീട് ബോധം തെളിഞ്ഞ് കണ്ണ് തുറന്ന് നോക്കിയപ്പോഴാണ് മകൻ സുജിത്തിനെ തൂങ്ങി മരിച്ച നിലയിൽ കണ്ടത്. സുധ അലറി വിളിച്ചതിനെ തുടർന്ന് ഓടിയെത്തിയ നാട്ടുകാരാണ് ഇരുവരേയും ജില്ലാ ആശുപത്രിയിൽ എത്തിച്ചത്. അപ്പോഴേക്കും സുജിത്ത് മരിച്ചിരുന്നു.

തലയ്ക്ക് ഗുരുതരമായി പരിക്കേറ്റ സുധയെ പരിയാരം മെഡിക്കൽ കോളേജിലേക്ക് മാറ്റി. കയ്യൂരിൽ ഐടി വിദ്യാർത്ഥിയാണ് മരിച്ച സുജിത്ത്. ഭർത്താവ് ഉപേക്ഷിച്ച സുധയും മകനും മാത്രമാണ് വീട്ടിൽ ഉണ്ടായിരുന്നത്.

Advertisement