Advertisement
കൊച്ചി . സ്കൂൾ വിദ്യാർത്ഥിനിക്ക് നേരെ നഗ്നത പ്രദർശനം നടത്തിയ മധ്യവയസ്കൻ അറസ്റ്റിൽ. കൊടുങ്ങലൂർ സ്വദേശി പ്രതീഷിനെ വടക്കേക്കരയിൽ വച്ച് പോലീസ് അറസ്റ്റ് ചെയ്തു.
വൈകിട്ട് മൂന്നരയോടെ വിദ്യാർഥിനി സ്ക്കൂളിൽ നിന്ന് വീട്ടിലേക്ക് തനിയെ നടന്നു പോകുന്നത് കണ്ട പ്രതി കാറിൽ പുറകെ ചെന്നു. വഴി ചോദിക്കാൻ എന്ന വ്യാജേന വിദ്യാർത്ഥിനിയുടെ അടുത്ത് കാർ നിർത്തി അടുത്തേക്ക് വിളിച്ച് നഗ്നത പ്രദർശിപ്പിക്കുകയായിരുന്നു. ഭയന്ന കുട്ടി നിലവിളിച്ച് വീട്ടിലേക്ക് ഓടിപ്പോയി. പ്രതി സഞ്ചരിച്ച കാറിനെ കേന്ദ്രീകരിച്ചുള്ള അന്വേഷണത്തെ തുടർന്നാണ് പിടിയിലായത്.
പ്രവാസിയായിരുന്ന ഇയാൾ ഇപ്പോൾ നാട്ടിൽ സ്ഥിര താമസമാണ്. ഇയാൾ സഞ്ചരിച്ച കാറും കസ്റ്റഡിയിലെടുത്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Advertisement
