തിരുവനന്തപുരം. കഴക്കൂട്ടം യു എസ് ടി ഗ്ലോബലിന് മുൻവശം റോഡ് മുറിച്ച് കടക്കവെ യുവതിയെ കാർ ഇടിച്ചു തെറിപ്പിച്ചു. യു എസ് ടി ഗോബലിലെ ജീവനക്കാരി അക്ഷര സത്യദാസിനെയാണ് കാർ ഇടിച്ച് തെറിപ്പിച്ചത്. യുഎസ് ടി ഗ്ലോബലിന് മുൻവശം സിഗ്നൽ ലംഘിച്ച് വന്ന കാറാണ് യുവതിയെ ഇടിച്ചുതെറിപ്പിച്ചത്.
വൈകുന്നേരം നാലരയോടെയാണ് അപകടം. തിരുവനന്തപുരത്ത് നിന്ന് കഴക്കൂട്ടം ഭാഗത്തേക്ക് വരികയായിരുന്ന ചുവന്ന വാഗണറാണ് അക്ഷരയെ ഇടിച്ച് തെറിപ്പിച്ചത്.തുടർന്ന്
നിർത്താതെ പോയ കാറിനെ നാട്ടുകാർ പിന്തുടർന്ന് പിടികൂടുകയായിരുന്നു. അക്ഷരയെ ഗുരുതര പരിക്കുകളോടെ കിംസ് ആശുപത്രിയിൽ പ്രവേശിപ്പിച്ചു.
കാറിലുണ്ടായിരുന്ന പുരുഷനെയും സ്ത്രീയേയും നാട്ടുകാർ അക്ഷരയ്ക്കൊപ്പം ആംബുലൻസിൽ കയറ്റി ആശുപത്രിയിലേക്ക് വിട്ടു. കാരേറ്റ് സ്വദേശിയായ അക്ഷരയ്ക്ക് ഒരു കുഞ്ഞുണ്ട്. കഴക്കൂട്ടം പൊലീസ് സ്ഥലത്തെത്തി കാർ കസ്റ്റഡിയിൽ എടുത്തു.
