Advertisement
കോഴിക്കോട്.പ്രണയം നിരസിച്ച യുവതിയെ കൊലപ്പെടുത്താൻ പെട്രോളുമായി വീട്ടിലെത്തിയ യുവാവ് പൊലീസ് പിടിയിലായി. കുറ്റ്യാടി പാലേരി സ്വദേശി അരുൺജിത്തിനെയാണ് താമരശേരി പൊലീസ് അറസ്റ്റ് ചെയ്തത്.
ഇന്നലെ ഉച്ചയ്ക്കാണ് സംഭവം. യുവതിയുടെ വീട്ടിലേക്ക് അരുൺജിത്ത് കയറി വരുന്നത് കണ്ട അമ്മ വാതിൽ അടച്ചു. ബഹളം കേട്ട് ഓടിയെത്തിയ നാട്ടുകാർ യുവാവിനെ തടഞ്ഞ് വെച്ച് പൊലീസിൽ ഏൽപ്പിക്കുകയായിരുന്നു. പൊലീസ് നടത്തിയ പരിശോധനയിൽ ഇയാളുടെ പക്കൽ നിന്ന് ഒരു ലിറ്റർ പെട്രോളും, ലൈറ്ററും കണ്ടെടുത്തു. അറസ്റ്റ് ചെയ്ത പ്രതിയെ കോടതി റിമാൻഡ് ചെയ്തു. വീട്ടിൽ അതിക്രമിച്ച് കയറിയതിനും കൊലപ്പെടുത്തുമെന്ന് ഭീഷണിപ്പെടുത്തിയതിനുമാണ് കേസ്. ഇരുപത്തിനാലുകാരനായ അരുൺജിത്ത് ഇൻസ്റ്റാഗ്രാം വഴിയാണ് യുവതിയുമായി പരിചയത്തിലായത്. ഇതിന് മുൻപും
യുവതിയുടെ വീട്ടിൽ പ്രതി എത്തിയിട്ടുണ്ടെന്ന് പൊലീസ് പറഞ്ഞു.
Advertisement
