Advertisement
കൊല്ലം: യു.ഡി.ഫ് സംവിധാനത്തോടുളള അമർഷം രേഖപ്പെടുത്തി ആർ.എസ്.പി രംഗത്ത്. കൂടിയാലോചന ഇല്ലെന്നും അടിയന്തര സാഹചര്യങ്ങളിൽ പോലും മുന്നണി യോഗം ചേരാറില്ലെന്നും സംസ്ഥാന സെക്രട്ടറി ഷിബു ബേബി ജോൺ കുറ്റപ്പെടുത്തി. സർക്കാരിനെതിരെയുള്ള വിമർശനങ്ങൾ ഗൗരവത്തിലെടുക്കണമെന്നും ആർഎസ്പി നേതാക്കൾ വാർത്താ സമ്മേളനത്തിൽ ആവശ്യപ്പെട്ടു.
യു.ഡി.എഫ് എന്ന സംവിധാനം കുറേക്കൂടി ഗൗരവം കൈവരിക്കേണ്ടതുണ്ട്. ഇതിന് കൂടിയാലോചന അനിവാര്യമാണ്. മാസങ്ങളുടെ ഇടവേളയിൽ യോഗം ചേരുന്നത് ദൗർഭാഗ്യകരമാണ്. സർക്കാരിനെതിരെ ശക്തമായ പ്രതിഷേധം സംഘടിപ്പിക്കുന്നതിലും വീഴ്ച സംഭവിക്കുകയാണ്. ഇത്രയും സങ്കീർണമായ വിഷയങ്ങൾ നടക്കുമ്പോൾ കുറേക്കൂടി ജാഗ്രതയോടെ പ്രവർത്തിക്കണമെന്നും ആർ.എസ്.പി ആവശ്യപ്പെട്ടു.
Advertisement
