Advertisement
തിരുവനന്തപുരം ജില്ലയുടെ മലയോര മേഖലയിലുണ്ടായ കനത്ത മഴയിലും കാറ്റിലും വ്യാപക നാശനഷ്ടം. നെയ്യാറ്റിൻകര പെരുങ്കടവിളയിൽ വീടുകൾക്ക് മുകളിൽ മരങ്ങൾ കടപുഴകി വീണു. പാൽക്കുളങ്ങര ലക്ഷംവീട് കോളനിയിൽ സുലോചനയുടെ വീട് ഭാഗികമായി തകർന്നു. കാട്ടാകട വീരണക്കാവിൽ ശക്തമായ കാറ്റിൽ ടർഫ് തകർന്നു. നെടുമങ്ങാട് ചുള്ളിമാനൂരിൽ മരം വീണ് വാഹനങ്ങൾക്ക് കേടുപാടുണ്ടായി. ചുള്ളിമാനൂരിൽ വൈദ്യൂതി ലൈനിലേക്ക്‌ മരം വീണ്
2 വൈദ്യുതപോസ്റ്റുകളും തകർന്നു. പെരുങ്കടവിള കാരക്കോണം റോഡിൽ മരം ഒടിഞ്ഞുവീണ് ഗതാഗതം തടസപ്പെട്ടു. ഫയർഫോഴ്സും പൊലീസും ചേർന്ന് മരങ്ങൾ മുറിച്ചുനീക്കി ഇവിടെ ഗതാഗതം പുനഃസ്ഥാപിച്ചു. ഇപ്പോഴും വിവിധയിടങ്ങളിൽ മഴ തുടരുകയാണ്.
Advertisement
