മഹാരാജാസ് കോളേജിൽ പ്രവർത്തിപരിചയം ഉണ്ടെന്ന് അവകാശപ്പെട്ട് വിദ്യ അട്ടപ്പാടി കോളേജിൽ സമർപ്പിച്ച ബയോഡേറ്റയുടെ പകർപ്പ് പുറത്ത്. മഹാരാജാസിൽ 20 മാസത്തെ പ്രവർത്തിപരിചയമുണ്ടെന്നാണ് അവകാശവാദം.അതേസമയം അന്വേഷണം പത്തിരിപ്പാല ഗവണ്മെനന്റ് കോളേജിലെക്കും വ്യാപിപ്പിച്ചു.വീണ്ടും പ്രിൻസിപ്പലിന്റെയും ജീവനക്കാരുടെയും മൊഴി അന്വേഷണസംഘം രേഖപ്പെടുത്തും.പരാതി രെജിസ്റ്റർ ചെയ്ത് 9 ദിവസമായിട്ടും വിദ്യയെ പിടികൂടാനാകാത്തതിൽ പോലീസിനെതിരെ വിമർശനങ്ങൾ ശക്തമാകുകയാണ്
അട്ടപ്പാടി കോളേജിൽ വിദ്യ സമർപ്പിച്ച ബയോഡേറ്റയിലാണ് വിവിധയിടങ്ങളിലെ പ്രവർത്തിപരിചയം അവകാശപ്പെടുന്നത്.കരിന്തലം,മഹാരാജാസ്,പത്തിരിപ്പാല കോളേജുകളിൽ പ്രവർത്തിപരിചയമുണ്ടെന്നാണ് ബയോഡാറ്റയിൽ വ്യക്തമാക്കുന്നത്.മഹാരാജാസിൽ 20 മാസത്തെ പ്രവർത്തിപരിചയമെന്നാണ് രേഖപ്പെടുത്തിയത്.അതേസമയം കേസിൽ അട്ടപ്പാടി ആർ.ജി.എം കോളേജിലെ അധ്യാപകരുടെ മൊഴി പോലീസ് വീണ്ടും രേഖപ്പെടുത്തി.
മലയാളം എച്ച്.ഒ .ഡി പ്രീത മോൾ, മലയാളം അധ്യാപിക ജ്യോതി ലക്ഷ്മി എന്നിവരുടെ മൊഴിയാണ് അഗളി പോലീസ് വിണ്ടും രേഖപ്പെടുത്തിയത്.വിദ്യക്കെതിരായ മൊഴിയിൽ തന്നെ ഇവർ ഉറച്ചു നിന്നു.പത്തിരിപ്പാല ഗവ.കോളേജിലെത്തി വീണ്ടും അന്വേഷണം നടത്താൻ അഗളി പോലീസ് തീരുമാനിച്ചു.ഇവിടെ വിദ്യ നൽകിയിട്ടുള്ള രേഖകൾ വീണ്ടും പരിശോധിക്കും,ഇവിടെ വ്യാജരേഖകൾ സമർപ്പിച്ചിട്ടില്ലെന്നാണ് കോളേജ് വ്യക്തമാക്കിയിരുന്നത്.എന്നാൽ ഈ മൊഴി പോലീസ് പൂർണ്ണമായി വിശ്വാസത്തിലെടുത്തിട്ടില്ല.
