Advertisement
മെട്രോയ്ക്ക് നാളെ ആറാം പിറന്നാളാണ്. പിറന്നാള്‍ ദിനത്തില്‍ മെട്രോയില്‍ എവിടെനിന്ന് എവിടേക്കു യാത്രചെയ്താലും 20 രൂപ. കുറഞ്ഞ ദൂരത്തിനു 10 രൂപയുടെ മിനിമം ടിക്കറ്റും ഉണ്ടാവും. പിന്നെയുള്ളത് ഇരുപതിന്റെ ടിക്കറ്റ് മാത്രം. മെട്രോ യാത്ര ഇന്ന് കൊച്ചിക്കാരുടെ ജീവിതത്തിന്റെ ഭാഗമാണ്. വിദ്യാര്‍ഥികളും ഐടി ജീവനക്കാരും ഉദ്യോഗസ്ഥരുമുള്‍പ്പെടെ ആയിരക്കണക്കിനാളുകളാണ് ദിനം പ്രതി മെട്രോ ഉപയോഗിക്കുന്നത്. ഏപ്രിലില്‍ ശരാശരി 75,831 പ്രതിദിന യാത്രക്കാരുണ്ടായി. മേയില്‍ ഇത് 98,766 ആയി.
നാളെ കൊച്ചി വണ്‍ കാര്‍ഡ് പുതുതായി വാങ്ങുന്നവര്‍ക്ക് കാര്‍ഡിന്റെ ഫീസ് കാഷ്ബാക്ക് ആയി ലഭിക്കും. 225 രൂപയാണു കാഷ്ബാക്ക് ലഭിക്കുക. ഈ തുക പത്തു ദിവസത്തിനകം കാര്‍ഡില്‍ ലഭിക്കും. പിറന്നാളാഘോഷത്തിന്റെ ഭാഗമായി മെട്രോയില്‍ ഇന്നലെ യാത്രക്കാരുടെ കാരിക്കേച്ചര്‍ വര നടന്നു.
Advertisement
